-->

EMALAYALEE SPECIAL

അന്ധർ ബധിരർ മൂകർ: ഒരു ജനതയെ തുറുങ്കിലടയ്ക്കുമ്പോൾ (കബനി ആർ)

Published

on

                             അന്ധർ ബധിരർ മൂകർ
                                ടി.ഡി. രാമകൃഷ്ണൻ 
                            ഡി സി ബുക്സ്, Rs. 199

ടി. ഡി. രാമകൃഷ്ണൻറെ ഉള്ളിലിരുന്ന്‌ ഫാത്തിമ നിലോഫർ എന്ന കാശ്മീരി യുവതി എഴുതിയ കൃതിയാണ് അന്ധർ ബധിരർ മൂകർ. ഒരു നോവൽ എന്നതിലുപരി ഓര്മക്കുറിപ്പിന്റെ മാതൃകയിലാണ് ഇത് എഴുതിയിരിക്കുന്നത്. പൂർണമായും കാശ്മീർ പശ്ചാത്തലത്തിൽ എഴുതിയ കൃതി, ഒരു ജനതയുടെ നിസഹായത ഇതര ഇന്ത്യൻ ജനതയോട് വിളിച്ചുപറയുന്നു . 

ഇന്ത്യൻ ഭരണഘടനയുടെ 370 , 35 A അനുച്ഛേദ പ്രകാരം കാശ്മീരിനുള്ള എല്ലാ പ്രത്യേക പദവികളും റദ്ദാക്കിയ നടപടിയും അതിനോടാപ്പം കാശ്മീരി ജനതോയോട് കാലങ്ങളായി ചെയ്ത്കൊണ്ടിരിക്കുന്ന വഞ്ചനയുടെ നേർകാഴ്ചയുമാണ് ഈ നോവൽ.

രാമകൃഷ്ണൻറെ ഫാത്തിമ, അസംഖ്യം വരുന്ന സ്വാതന്ത്ര്യം നഷ്ടപെട്ട കാശ്മീരി ജനതയുടെയും, പീഡനവും വൈധവ്യവും പേറുന്ന കാശ്മീരി സ്ത്രീകളുടെയും പ്രതിനിധി ആണ്. പട്ടാളക്കാർ ക്രൂരമായി ബലാത്സംഗം ചെയ്ത  നിലോഫർ എന്ന സ്കൂളദ്ധ്യാപികയായിരുന്നു ഫാത്തിമയുടെ ഉമ്മ. അതുകൊണ്ട്, ഫാത്തിമയ്ക്ക് അച്ഛൻ എന്ന സങ്കല്പം അധികാരത്തിൻറെ, വെറുപ്പിൻറെ, ദാർഷ്ട്യത്തിൻറെ, കടന്നുകയറ്റത്തിൻറെ ഓർമ്മപ്പെടുത്തലാണ്. ആ കഥാപാത്രത്തിലൂടെ കശ്മീരിന്റെ മുഴുവൻ പരിപ്രേക്ഷ്യമാണ് ടി. ഡി. രാമകൃഷ്‌ണൻ കൃതിയിൽ ഉള്ളടക്കം ചെയ്തിരിക്കുന്നത്. 

ഫാത്തിമയുടെ ഭർത്താവ് ഒമർ, കാശ്മീർ വിമോചക പ്രസ്ഥാനത്തിൻറെ നേതാവായിരുന്നു. ഒമറിൻറെ സമാധാനമാർഗ്ഗത്തിലൂന്നിയ പ്രവർത്തനം മറ്റു വിഘടന ശക്തികളിൽ എതിർപ്പ് ഉണ്ടാക്കുകയും, ഒമർ കൊല്ലപ്പെടുകയും ചെയ്യുന്നു. ഫാത്തിമയുടെ വൈധവ്യം അവളെ കാശ്മീരി വുമൺ ഫോർ പീസ് (KWP) എന്ന സമാധാന സേനയിൽ പ്രവർത്തിക്കാൻ പ്രേരിപ്പിക്കുന്നു. സ്ത്രീകൾക്കിടയിൽ ചെറുതല്ലാത്ത പ്രാധാന്യം സംഘടനയ്ക്ക് ഉണ്ടാക്കുവാൻ കഴിഞ്ഞെങ്കിലും, തുടർന്ന് സമാധാനമായി പ്രവർത്തിക്കാനോ, പ്രതിഷേധിക്കാനോ കഴിയാത്ത രീതിയിൽ കർഫ്യൂ അവരെ കീഴ്പ്പെടുത്തുന്നു.

ഒരു ജനതയുടെ മുഴുവൻ കണ്ണും, കാതും, വായും അടപ്പിച്ച്‌, അവരെ നിശ്ശബ്ദരാക്കി, വികസനവും, സമാധാനവും കാശ്മീരിൽ ഉറപ്പുവരുത്തും എന്ന് കേന്ദ്ര നേതൃത്വം അവകാശപ്പെടുമ്പോൾ ഇതെല്ലാം ആർക്കുവേണ്ടി എന്ന ചോദ്യവും, അതിലെ വൈരുധ്യവും നോവലിസ്റ്റ് ചൂണ്ടികാണിക്കുന്നു. പതിറ്റാണ്ടുകളായുള്ള സംഘർഷങ്ങൾ, ആക്രമണങ്ങൾ, കൂട്ടക്കൊലകൾ, കാണാതാകലുകൾ, അടിച്ചമർത്തലുകൾ, പലായനങ്ങൾ ഇവയുടെയൊക്കെ ആകെത്തുകയാണ് കാശ്മീർ. 

കാശ്മീരിൽ വിമോചനവാദികൾ എങ്ങനെ ഉണ്ടാവുന്നു, മതമൊലികവാദികൾ കാശ്മീർ മണ്ണിൽ എങ്ങനെ തഴച്ചു വളരുന്നു, ഭരണകൂട ഭീകരതകൾ ഒരു ജനതയിൽ സൃഷ്ടിക്കുന്ന മുറിവുകൾ എത്ര ആഴമേറിയതാണ് തുടങ്ങിയ അന്വേഷണങ്ങളിലൂടെ രചയിതാവ് ഈ കൃതിയുടെ രാഷ്ട്രീയ സ്വഭാവത്തിൻറെ മാറ്റ് കൂട്ടുന്നു .
എല്ലാ ആശയ/വാർത്താവിനിമയ സാധ്യതകളെയും വിലക്കി, ജനങ്ങളുടെ പ്രതിഷേധങ്ങളെ മുഴുവൻ നിശ്ശബ്ദരാക്കുന്ന ഒരു ഭരണകൂടം, സമാധാനവും ജനാധിപത്യവും പുനഃസ്ഥാപിക്കുന്നു എന്ന് പ്രഖ്യാപിക്കുമ്പോൾ, അതിലെ രാഷ്ട്രീയ നീതികേടിനെയും, മനുഷ്യത്വരാഹിത്യത്തെയും എതിർക്കാതെയിരിക്കാൻ എഴുത്തുകാരന് കഴിയുന്നില്ല. 

പെല്ലറ്റ് കൊണ്ട് കണ്ണിനു പരുക്കേറ്റിരിക്കുന്ന മകനെ ഉറക്കാനായിട്ട് ഫാത്തിമ  പറയുന്ന ആരിഫത്താത്തയുടെ കഥകളിൽ മിത്തിൻറെ സ്വഭാവത്തോടൊപ്പം തങ്ങളുടെ സാമൂഹിക സാഹചര്യങ്ങളോടുള്ള പ്രതികരണങ്ങളും, മുൻപോട്ടുള്ള പ്രതീക്ഷകളും, നിസ്സംഗതയും, ഭയവുമൊക്കെ കടന്നുവരുന്നുണ്ട്. എല്ലാ ദുരിത-ദുരന്ത മുഖത്തുനിന്നും ആഗ്രഹിക്കുന്ന ഒരു ആസാദിയിലേയ്ക്ക് നടന്നടുക്കാൻ ജനങ്ങൾക് കഴിയണേ എന്ന പ്രാർത്ഥനയിൽ നോവൽ അവസാനിക്കുന്നു.

ടി.ഡി. രാമകൃഷ്ണൻറെ നോവലുകൾ രാഷ്ട്രീയം സംസാരിക്കുകയും, തുടർന്ന് സംസാരവിധേയമാവാറുമുണ്ട്. സുഗന്ധിയെ പോലെ ഫാത്തിമയ്ക്കും, തൻ്റെ ജീവിതം കൊണ്ട് ചരിത്രത്തെ അടയാളപ്പെടുത്തണം എന്ന ഉദ്ദേശം കൃതിയിലുടനീളം കാണാം. ദേശീയത, സ്വത്വബോധം, സ്വാതന്ത്ര്യം എന്നീ സംജ്ഞകളെക്കുറിച്ച് കാശ്മീരി ജനതയുടെ കണ്ണിലൂടെ അനാവരണം ചെയ്യുന്നതിൽ നോവലിസ്റ്റ് വിജയിച്ചിട്ടുണ്ട്. ഫാത്തിമ ഒരിടത്ത് പറയുന്നത് ശ്രദ്ധേയമാണ്: "ഞാനൊരു ഇൻഡ്യാക്കാരിയാണോ എന്നെനിക്കുറപ്പില്ല. കാശ്മീരിയാണെന്നതിൽ സംശയവുമില്ല" (112 ). 

വായനയ്ക്ക് ശേഷവും ഉള്ളുലയ്ക്കുന്ന കൃതിയാണ്, അന്ധർ ബധിരർ മൂകർ. ചുരുക്കത്തിൽ, കാശ്മീർ ജനതയ്ക്ക് എന്താണ് വേണ്ടതെന്നു അവരോട് തന്നെയല്ലേ ചോദിക്കേണ്ടത്? അവരെ നിശ്ശബ്ദരാക്കുന്നത് എന്തിനാണ്?

Facebook Comments

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

ആരാണ്‌ ലക്ഷദ്വീപിനെ രക്ഷിക്കേണ്ടത്? (ജ്യോതിലക്ഷ്മി നമ്പ്യാർ, മുംബൈ, എഴുതാപ്പുറങ്ങൾ 83)

പ്രകൃതി എത്ര സുന്ദരം! (ഫ്‌ളോറിഡാക്കുറിപ്പുകള്‍-2: സരോജ വര്‍ഗ്ഗീസ്, ഫ്‌ളോറിഡ)

സ്റ്റേ അറ്റ് ഹോം ലംഘിച്ചതാര് ? (ജോര്‍ജ് തുമ്പയില്‍)

സ്റ്റീവൻ ഓലിക്കര വിസ്കോൺസിനിൽ നിന്ന് യു.എസ. സെനറ്റിലേക്ക് മത്സരിക്കാൻ സാധ്യത തേടുന്നു

വെളിച്ചമില്ലാതെ ഉയിർക്കുന്ന നിഴലുകൾ! (മൃദുമൊഴി-12: മൃദുല രാമചന്ദ്രൻ)

വാക്‌സീന്‍ നയത്തില്‍ മോദിയുടെ മലക്കം മറിച്ചിലും കോടതി ഇടപെടലും പതിനായിരങ്ങളുടെ മരണവും (ദല്‍ഹികത്ത്: പി.വി. തോമസ്)

ന്യു യോർക്ക് പോലീസിൽ ആദ്യ ഇന്ത്യൻ ഡെപ്യുട്ടി ഇൻസ്പെക്ടറായി ക്യാപ്റ്റൻ ലിജു തോട്ടം നിയമിതനായി 

നേഹ ചെമ്മണ്ണൂർ: കാനഡയിൽ നിന്നൊരു നക്ഷത്രം  (അനിൽ പെണ്ണുക്കര)

സിൻഡ്രല്ല (അംബിക മേനോൻ, മിന്നാമിന്നികൾ - 4)

വായനകൊണ്ട് പൂരിപ്പിക്കേണ്ട ഒരു ജിഗ്സോ പസിൽ (ഡോ. സ്വപ്ന സി. കോമ്പാത്ത്, ദിനസരി -32)

അച്ഛന്റെ വിശ്വാസങ്ങൾ (രാജൻ കിണറ്റിങ്കര)

ക്രൈസ്തവ നേതാക്കൾ എവിടാരുന്നു ഇതുവരെ... (ഉയരുന്ന ശബ്ദം-37: ജോളി അടിമത്ര)

ആ കലവറ അടച്ചു; സേവനത്തിനു പുതിയ മാതൃകയായി സെന്റ് സ്റ്റീഫൻസ് മാർത്തോമ്മാ ചർച്ച്

കെ പി സി സിയുടെ അമരത്ത് ഇനി 'കെ.എസ്': കണ്ണൂരിന്റെ സ്വന്തം പോരാളി (സിൽജി ജെ ടോം)

നൂറിന്റെ നിറവിൽ പത്മഭൂഷൻ പി.കെ വാര്യർ (യു.എ നസീർ, ന്യൂയോർക്ക്)

ഒറ്റപ്പാലം ബസ്സ് താവളം (ശങ്കർ ഒറ്റപ്പാലം)

പ്രസംഗകല -സുകുമാര്‍ അഴീക്കോട് സമാഹരണവും പഠനവും (അവസാന ഭാഗം ഡോ. പോള്‍ മണലില്‍)

ചൈനയുടെ സിനോഫാം കോവിഡ് -19 വാക്‌സിന്റെ ഫലപ്രാപ്തി സംശയത്തില്‍(കോര ചെറിയാന്‍)

വികൃതി വരുത്തിവെച്ച വിന (ബാല്യകാല ഓർമ്മകൾ 3: ഗിരിജ ഉദയൻ)

തേയില തോട്ടം: കടുപ്പത്തിൽ തുടരുന്ന പ്രതിസന്ധി-2 (ബോസ്.ആർ.ബി)

പത്രധര്‍മ്മം എന്താണ് ? (ലേഖനം: സാം നിലമ്പള്ളില്‍)

നേഴ്‌സുമാരെ ചുമ്മാ ചൊറിയല്ലേ! വിവരം അറിയും (ഡോ.മാത്യു ജോയിസ്, ലാസ് വേഗാസ്)

ചോബെ നദിയിലൂടെ നമീബിയയും കടന്ന് (ഏഷ്യയിൽ നിന്ന് ആഫ്രിക്കയിലേക്ക്- 11: ജിഷ.യു.സി)

ദൈവം ചിരിക്കുന്നു (തോമസ് കളത്തൂർ)

ചിന്ന ചിന്ന ആശൈ പാടി വെണ്ണിലാവ് തൊട്ട മിന്മിനിക്കു പരാതിയേയില്ല (കുര്യൻ പാമ്പാടി)

ലക്ഷദ്വീപില്‍ വികസനമോ കാവി-കച്ചവട-ഫാസിസ്റ്റ്-ജനാധിപത്യ വിരുദ്ധ അജണ്ടയോ? (ദല്‍ഹികത്ത് : പി.വി.തോമസ് )

Lions Club International gets a new leadership as James Varghese becomes the governor-elect for California

കൊച്ചുമ്മന്‍ ടി. ജേക്കബ് - സംഘടനാ പ്രവര്‍ത്തനത്തിന്റെ മഹത്തായ മാതൃക (ജെ. മാത്യൂസ്)

ഉള്ളി മൂപ്പിച്ചതും, മൊളക് വർത്ത പുളീം, ഒരു പൂള് ഉപ്പുമാങ്ങയും (മൃദുമൊഴി 11: മൃദുല രാമചന്ദ്രൻ)

പരിസ്ഥിതിക്ക് ഒരാമുഖം (ലോക പരിസ്ഥിതി ദിനം-ജോബി ബേബി,  കുവൈറ്റ്)

View More