America

മാനസപുത്രി (കവിത: മാര്‍ഗരറ്റ് ജോസഫ് )

മാര്‍ഗരറ്റ് ജോസഫ്

Published

on

ഓര്‍മ്മകള്‍ കണ്ണീരണിഞ്ഞ്,
കണ്ണുകള്‍ തേടുന്നതാരെ?
പുഞ്ചിരിപ്പൂക്കള്‍ പൊഴിച്ച,
പെണ്‍മണീ, പോയെങ്ങൊളിച്ചു?
സൗഹൃദം രൂപമെടുത്ത-
സൗമ്യതേ, യെന്നിനിക്കാഞ്ചൂ?
ഭൂവിന്നിരുമേഖലയില്‍,
ജന്മമെടുത്തവര്‍ നമ്മള്‍;
ഭാഷയില്‍, വേഷത്തില്‍, വര്‍ണ്ണ-
വര്‍ഗ്ഗ, സംസ്‌ക്കാരത്തില്‍, ഭിന്നര്‍;
ആദ്യമായ് നാം കണ്ടുമുട്ടീ,
ദേവാലയാങ്കണം തന്നില്‍;
കാല്‍നടക്കാരിയായ് ഞാനും,
കാറിനുടമയായ് നീയും;
സുസ്മിതമെന്‍ നേര്‍ക്ക് നോക്കി,
'സുപ്രഭാതം' മന്ദമോതി;
എന്മമൊപ്പിയെടുത്ത,
നിന്മുഖചിത്രം മനോജ്ഞം,
പൂജയ്ക്കണഞ്ഞവരെല്ലാം,
പള്ളിക്കകം പൂകി, നീയും-
അള്‍ത്താരശുശ്രൂഷയ്ക്കായി,
കുമ്പിട്ടുടന്‍ ഭക്തിയോടെ;
മാടിവിളിക്കും മരങ്ങില്‍, എത്ര സമാഗമവേള,
യാത്ര പറഞ്ഞു, തുടര്‍ന്നു;
അന്യരന്യോന്യമറിഞ്ഞു,
ഉറ്റമിത്രങ്ങളുമായി;
രണ്ടു പതിറ്റാണ്ടു നീണ്ട,
ജീവിതയാത്രയ്ക്കിടയില്‍,
രണ്ടുമക്കള്‍ക്കമ്മ 'ലീമ',
മാനസപുത്രി,യെനിക്ക്.
മഞ്ഞിന്‍ പട്ടാടയുടുത്തീ-
മന്നിടം കോള്‍മയിര്‍ക്കൊള്‍കെ,
പക്ഷിയായ് പാറിപ്പറന്നെന്‍,
ജന്മനാടിന്‍ ചൂടിലേയ്ക്ക്...
വേനല്‍ വെളിച്ചത്തില്‍ വീണ്ടും,
നീഢത്തിലേയ്ക്ക് മടക്കം;
വര്‍ണ്ണപ്പുലരികള്‍ തോറും,
തൃപ്പദം തേടി നടത്തം;
ഹൃത്തടം നിന്നെത്തിരഞ്ഞു,
പ്രത്യാശയാര്‍ന്നദിനങ്ങള്‍;
ഉത്തമേ, നീയിന്നെവിടെ?
ഉത്തരം കിട്ടാത്ത ചോദ്യം;
സത്യമൊടിവിലറിഞ്ഞു,
നിത്യവെളിച്ചമായെന്ന്.....
സ്‌നേഹമരന്ദം പകര്‍ന്ന,
നൊമ്പരപ്പൂവേ, പ്രണാമം.
പുല്ലിലെ നീര്‍ത്തുള്ളിയില്‍ നിന്‍-
നക്ഷത്രക്കണ്ണിന്‍ തിളക്കം-,
തെന്നല്‍ത്തിരയിളക്കത്തില്‍,
'സുപ്രഭാതത്തിന്‍' മുഴക്കം.

Facebook Comments

Comments

  1. Sudhir Panikkaveetil

    2021-06-15 13:18:32

    ഈ കവികൾ ഇന്ദ്രജാലക്കാരാണ്. അവർ വാക്കുകൾകൊണ്ട് നമ്മെ മയക്കുന്നു . ശ്രീമതി മാർഗററ് ജോസഫിന്റെ കവിതകൾ ആസ്വാദകരങ്ങളാണ്. മരിച്ചു എന്ന് കവി പറയുന്നില്ല "നിത്യവെളിച്ചമായത്രേ" . മരണം എന്ന് പറയുമ്പോൾ ഇരുട്ടിന്റെ പ്രതീതിയാണ് അങ്ങനെ സ്നേഹത്തിന്റെ മധു പകർന്ന മാനസപുത്രിക്ക് ഒരവസ്ഥ ചിന്തിക്കാൻ കഴിയില്ല. അവർ വെളിച്ചമായി, കെടാത്ത വെളിച്ചം. ആധുനിക കവിതയിലെ ബിംബങ്ങൾ നമുക്ക് സുഖം തരുന്നില്ല. ശ്രീമതി മാർഗരറ്റ് ജോസഫിന്റെ കവിതകൾക്ക് ഒരു പൂവിതൾ സ്പർശം ഉണ്ട്. അനുമോദനങ്ങൾ !!

Leave a Reply


മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

Your email address will not be published. Required fields are marked *

അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല

RELATED ARTICLES

എന്തൊരു വിസ്മയ പ്രതിഭാസം! (കവിത: മാര്‍ഗരറ്റ് ജോസഫ്)

മുറിയുന്ന വീണക്കമ്പികൾ (കവിത: ബാലകൃഷ്ണൻ കെ.കുറ്റിപ്പുറം)

മംസാറിൽ നൂറ് സൂര്യനുദിച്ച   സന്ധ്യാനേരത്ത് (മനോജ് കോടിയത്ത്, കഥാമത്സരം -167)

ഇമോജി (സിജു.വി.പി, കഥാമത്സരം -163)

അഭയാർത്ഥികൾ (നിരഞ്ജൻ അഭി, കഥാമത്സരം -165)

വേര് (ബുഷ്  സെബാസ്റ്റ്യൻ, കഥാമത്സരം -162)

ഉടൽ വേരുകൾ (നിത്യ, കഥാമത്സരം -161)

The invaluable perks of not having a personal room…(Suraj Divakaran)

പുകമറയ്ക്കിടയിലെ വെളിച്ചം (മായാദത്ത്, കഥാമത്സരം -160)

ജന്മാന്തരങ്ങൾക്കിപ്പുറം: കവിത, മിനി സുരേഷ്

ഇള പറഞ്ഞ കഥകൾ (ജിഷ .യു.സി)

അമാവാസിയില്‍ പൂത്ത നിശാഗന്ധി (സോജി ഭാസ്‌കര്‍, കഥാമത്സരം -159)

ചില കാത്തിരിപ്പുകൾ (ജിപ്‌സ വിജീഷ്, കഥാമത്സരം -158)

സമയം (അഞ്ജു അരുൺ, കഥാമത്സരം -157)

കോഫിഷോപ്പിലെ മൂന്നു പെണ്ണുങ്ങളും ഞാനും (കഥ: സാനി മേരി ജോൺ)

All night (Story: Chetana Panikkar)

സ്ത്രീ ധനം (കവിത: രേഖാ ഷാജി)

മരണം വരിച്ചവൻ ( കവിത : ശിവദാസ് .സി.കെ)

ആ രാത്രിയിൽ (അനിൽ കുമാർ .എസ് .ഡി, കഥാമത്സരം -156)

കനവ് പൂക്കുന്ന കാവ്യം (പ്രവീൺ പാലക്കിൽ, കഥാമത്സരം -155)

പാമ്പും കോണിയും - നിർമ്മല (നോവൽ - 56 )

തിരുത്തിക്കുനി പരദേവതയും ശവക്കുഴിയുടെ മണവും (വിമീഷ് മണിയൂർ, കഥാമത്സരം -154)

കൊടിത്തൂവ (ഉഷ ഗംഗ, കഥാമത്സരം -153)

സ്നേഹസദനം (കഥ: നൈന മണ്ണഞ്ചേരി)

തിരികെ നടന്നവളോട് ( കവിത: അരുൺ.വി.സജീവ്)

വ്യക്തിത്വ മഹാത്മ്യം (കവിത: സന്ധ്യ എം.)

ഒറ്റാൽ (ബിനിത സെയ്ൻ, കഥാമത്സരം -152)

ആമോദിനി എന്ന ഞാൻ - പുഷ്പമ്മ ചാണ്ടി (നോവൽ - 6 )

ജോസഫ് സാറിന്റെ സ്ട്രീറ്റ് ലൈറ്റ് (രാജീവ് പണിക്കർ, കഥാമത്സരം -151)

ബീരാന്റെ കിണര്‍ (ജംഷീന പി.പി)

View More