ചെന്നൈ : മലയാളത്തിലൂടെ അഭിനയ രംഗത്തേയ്ക്ക് എത്തി തെന്നിന്ത്യയുടെ ലേഡി സൂപ്പര്‍ സ്റ്റാര്‍ ആയ താരമാണ് നയന്‍താര. ശാലീന ഗ്രാമീണ വേഷങ്ങളില്‍ നിന്നും ശക്തമായ സ്ത്രീകഥാപാത്രങ്ങളിലൂടെ നായികാ പ്രാധാന്യമുള്ള ചിത്രങ്ങളിലേയ്ക്ക് എത്തിയ നയന്‍‌താര പലപ്പോഴും വിവാദങ്ങളിലും നിറഞ്ഞു നിന്നിരുന്നു.

നടന്‍ ചിമ്ബുവുമായുണ്ടായിരുന്ന പ്രണയവും വേര്‍പിരിയലും നടനും സംവിധായകനുമായ പ്രഭുദേവയുമായുള്ള പ്രണയവുമെല്ലാം ഗോസിപ് കോളങ്ങളിലെ ചൂടന്‍ ചര്‍ച്ചയായിരുന്നു. വിവാഹിതനും രണ്ട് കുട്ടികളുടെ അച്ഛനുമായ പ്രഭുദേവ നയന്‍താരയുമായി വിവാഹിതനാകുന്നുവെന്ന വാര്‍ത്ത വലിയ വിവാദങ്ങള്‍ക്ക് തുടക്കം കുറിച്ചു. നയന്‍താരയും പ്രഭുദേവയും പല വേദികളിലും ഒരുമിച്ച്‌ എത്തുകയും താമസം ഒരുമിച്ച്‌ ആക്കുകയും ചെയ്തിരുന്നു. കൂടാതെ തന്റെ ഭാര്യ റംലത്തിനെ ഒഴിവാക്കാന്‍ പ്രഭുദേവ നീക്കങ്ങള്‍ നടത്തിയതായും വാര്‍ത്തകള്‍ വന്നു. എന്നാല്‍ വിവാഹം വരെ എത്തിയ ബന്ധം വേര്‍പിരിഞ്ഞു. ഇതിന്റെ കാരണം വ്യക്തമല്ല.

തന്റെ കുടുംബ ജീവിതത്തില്‍ വില്ലത്തിയായി കടന്നു വന്ന നയന്‍താരക്കെതിരെ പ്രഭുദേവയുടെ മുന്‍ഭാര്യ റംലത്ത് ലത രംഗത്ത് എത്തിയിരുന്നു. റംലത്ത് താരത്തിനെതിരെ പറഞ്ഞ വാക്കുകള്‍ വീണ്ടും സോഷ്യല്‍ മീഡിയയില്‍ ശ്രദ്ധനേടുകയാണ്. ' നയന്‍താര ഏറ്റവും മോശപ്പെട്ട സ്ത്രീയാണ്. എന്റെ ഭര്‍ത്താവിനെ ഏതോ ബ്ലാക്ക് മാജിക്കിലൂടെ വശീകരിച്ച്‌ എടുത്തതാണ്. കാരണം എന്നോടും എന്റെ മക്കളോടും അദ്ദേഹത്തിന് വലിയ സ്‌നേഹമായിരുന്നു. ഞങ്ങള്‍ക്ക് വേണ്ടി ഒരു വീടുവരെ വാങ്ങിച്ചിരുന്നു. അതിനിടയിലാണ് നയന്‍താര അദ്ദേഹത്തെ മയക്കി എടുക്കുന്നത്. അതുകൊണ്ട് അവളെ എവിടെവച്ച്‌ കണ്ടാലും ഞാന്‍ അടിക്കും.'- റംലത്ത് പറഞ്ഞു