കുവൈറ്റ് സിറ്റി : സെന്റ് തോമസ് ഇവാന്ജലിക്കല് ചര്ച്ച് ഓഫ് ഇന്ത്യ കുവൈറ്റ് ഇടവകയുടെ ആഭിമുഖ്യത്തില് ജൂലൈ 21 , 22 തീയതികളില് കണ്വന്ഷന് സംഘടിപ്പിച്ചു.
ദുര്ഘടം പിടിച്ച ഇന്നത്തെ ജീവിത സാഹചര്യങ്ങള് അഭിമുഖീകരിക്കുവാന് ജ്ഞാനികളായി സൂക്ഷ്മതയോടെയും സമയം തക്കത്തില് ഉപയോഗിച്ചും ദൈവഹിതത്തിനു എല്പിച്ചും ജീവിക്കണമെന്ന് കണ്വന്ഷന് ഉദ്ഘാടനം ചെയ്തുകൊണ്ട് 'ദേശത്തിന്റെ സൗഖ്യം' എന്ന വിഷയത്തില് സംസാരിച്ച പ്രിസൈഡിംഗ് ബിഷപ്പ് റവ . ഡോ. തോമസ് എബ്രഹാം ആഹ്വാനം ചെയ്തു.
21 നു വികാരി റവ. ജോണ് മാത്യുവും ,22 നു സഹവികാരി. എന്. എം . ജെയിംസും കണ്വന്ഷന് അധ്യക്ഷ്യത വഹിച്ചു . മുഖ്യ പ്രാസംഗികനും സുപ്രസിദ്ധ വേദപണ്ഡിതനും തിരുവനന്തപുരം സിഎസ്ഐ കത്തീഡ്രല് വികാരിയുമായ റവ. ഡോ. ഡി. ജെ. അജിത്ത് കുമാര് 'ഹീലിംഗ് ഫോര് ദി ലാന്ഡ് ' എന്ന വിഷയത്തില് മുഖ്യപ്രഭാഷണം നടത്തി.
ലോകത്തിനു മുഴുവനായി സൗഖ്യം ആവശ്യമായിരിക്കുന്ന ഈ ദിവസങ്ങളില് ദൈവത്തിന്റെ ജനം അവങ്കലേക്കു തിരിയുമെങ്കില് അവന് നമ്മുടെ പിതാവ് എന്ന അവകാശത്തോടെ നമ്മെത്തന്നെ താഴ്ത്തി പ്രാര്ഥിക്കുമെങ്കില് ദേശത്തെ മാത്രമല്ല ലോകത്തെ മുഴുവന് ദൈവം സൗഖ്യമാക്കും എന്നു ഓര്പ്പിച്ചു.
ബിഷപ്പ്റ വ.ഡോ.എബ്രഹാം ചാക്കോ ,ബിഷപ്പ്റ വ.ഡോ. എം . കെ . കോശി ,
ബിഷപ്പ് റവ.എ. ഐ . അലക്സാണ്ടര് ,സഭ സെക്രട്ടറി റവ . എബ്രഹാം ജോര്ജ് , എന് .
ഇ.സി . കെ . സെക്രട്ടറി റോയി . കെ . യോഹന്നാന് , ഇവാന്ജലിക്കല് സഭയുടെ
ഗള്ഫ് ഇടവകകളിലെ വികാരിമാരായ റവ . സജി ജോര്ജ് , റവ . ജേക്കബ് തോമസ് , റവ .
ഷിജു മാത്യു , സഭയിലെ പട്ടക്കാര് , മുന് വികാരിമാര് , മുന് അംഗങ്ങള് , അഭ്യുദയകാംക്ഷികള്
എന്നിവര് കണ്വന്ഷനില് സംബന്ധിച്ചു. ജോര്ജ് വറുഗീസ്, തോമസ് കെ . തോമസ് എന്നിവര് പ്രാര്ത്ഥനക്കു നേത്രത്വം നല്കി . എ.ജി ചെറിയാന് , റെക്സി ചെറിയാന് എന്നിവര് സ്വാഗതവും ബിജു സാമുവേല് നന്ദിയും പറഞ്ഞു. ജുമോന് ഏബ്രഹാമിന്റെ നേതൃത്വത്തില് ഇടവക ഗായക സംഘം ഗാനങ്ങള് ആലപിച്ചു.