ഡോളറിനെതിരെ രൂപയുടെ മൂല്യം ആറാഴ്ചയിലെ ഏറ്റവും ഉയര്‍ന്ന നിലവാരത്തിലേക്ക് കുതിച്ചു. രാജ്യത്തെ ഓഹരി സൂചികകള്‍ മികച്ച നേട്ടമുണ്ടാക്കിയതും യുഎസ് ഡോളര്‍ ദുര്‍ബലമായതുമാണ് രൂപക്ക് കരുത്തേകിയത് .മുന്‍ദിവസത്തെ ക്ലോസിങ് നിരക്കിനേക്കാള്‍ 18 പൈസയുടെ നേട്ടo കരസ്ഥമാക്കി .

ഇതോടെ ഡോളറിനെതിരെ രൂപയുടെ മൂല്യം 74.10 നിലവാരത്തിലെത്തി. യൂറോക്കെതിരെയും രൂപ കുതിപ്പ് രേഖപ്പെടുത്തി. 87.98-87.95 നിലവാരത്തിലാണ് വ്യാപാരം പുരോഗമിച്ചത് .

രണ്ടാം ദിനവും ഓഹരി സൂചികകളില്‍ മികച്ച നേട്ടമാണുണ്ടായത്. ഇതാദ്യമായി സെന്‍സെക്‌സ് 54,000വും നിഫ്റ്റി 16,000വും മറി കടന്നു. ഏറെക്കാലം വില്‍പ്പനക്കാരായിരുന്ന വിദേശ നിക്ഷേപ സ്ഥാപനങ്ങള്‍ വീണ്ടും നിക്ഷേപംനടത്താനെത്തിയതും രൂപക്ക് പ്രയോജനo ചെയ്തു .