മരണക്കിടക്കയില് അന്ത്യശ്വാസം വലിക്കുമ്പോഴും ഗ്രൂപ്പ് നേതാക്കന്മാര് പാര്ട്ടിക്കുവേണ്ടി ശവപ്പെട്ടിപണിയുകയാണ്. ഇന്ത്യക്കു സ്വാതന്ത്ര്യം നേടിക്കൊടുത്ത മഹാരഥന്മാര് കെട്ടിപ്പടുത്തിയ ഈ മഹാപ്രസ്ഥാനം ഒരു പാര്ട്ടിയല്ലായിരുന്നു ഇന്ത്യക്കാരുടെ മനസ്സായിരുന്നു. ദീര്ഘദൃഷ്ടിയുള്ള നേതാക്കന്മാര് കെട്ടിപ്പൊക്കിയ ഈ വലിയ പ്രസ്ഥാനത്തെ കാലാകാലങ്ങളായി സ്വന്തം താല്പര്യങ്ങള്ക്കും സ്വന്തം ഗ്രൂപ്പുകാര്ക്കുവേണ്ടിയും നശിപ്പിച്ച് കാര്ന്നു തിന്നുപോരുകയാണ്. ഇന്നത്തെ സ്ഥിതിയില് ഈ പ്രസ്ഥാനത്തെ കൊണ്ടു വന്നു എത്തിച്ചത് ഗ്രൂപ്പു മാനേജര്മാര് രാജ്യത്തോട് പരസ്യമായി മാപ്പു പറയണം. വീതം വച്ചു കൊടുത്തു ഇപ്പോള് പാര്ട്ടിയെ പൂര്ണ്ണമായും നശിപ്പിച്ചു, ശവപ്പെട്ടിയിലാക്കി അവസാന ആണികള് പാരകളായി പണിയുകയാണ്. നാണമില്ലേ നിങ്ങള്ക്കു ഇതുവരെ ലഭിച്ചിരുന്ന ബഹുമാനങ്ങള് എല്ലാം നഷ്ടപ്പെടുത്തി വെറുപ്പുകള് ഏറ്റു വാങ്ങിയില്ലേ. നിര്ത്തണം ഈ പണി അല്ലെങ്കില് നിങ്ങളെ പാര്ട്ടിയില് നിന്നും പടിയിറക്കി പിണ്ഡം വയ്ക്കണം. അതു സമീപ ഭാവിയില് പൂര്ത്തിയാകും. ഇന്ത്യാ മഹാരാജ്യത്തെ നയിക്കുന്ന പ്രധാനമന്ത്രിയും കൂട്ടരും ചേര്ന്നു എല്ലാ സ്ഥാപനങ്ങളും ചാര്ച്ചക്കാര്ക്കും, മുതലാളിമാര്ക്കും വിറ്റു തുലയ്ക്കുന്നു. കര്ഷകര് ഏകദേശം ഒരു വര്ഷമായി സമരം ചെയ്യുന്നു. കേരളത്തില് ഇടതു സര്ക്കാര് കേരളത്തിലെ സകല വനങ്ങളും വിറ്റു കാശാക്കുന്നു. പാര്ട്ടി വലുതാക്കുന്നു. സ്വര്ണ്ണം, ഡോളര്, തുടങ്ങിയവ കടത്തി രാജ്യത്തെ മുടിപ്പിക്കുന്നു. പാര്ട്ടിക്കാര്ക്കും അണികള്ക്കും എല്ലാം നേടിക്കൊടുക്കുന്നു. സ്വന്തക്കാരെ തിരികിക്കയറ്റുന്നു. ഇത്ര ഭയാനകമായ ഒരു അവസ്ഥ കേരളവും രാജ്യവും കണ്ടിട്ടില്ല. ഇതിനെതിരേ ശബ്ദിക്കാനോ, പ്രതികരിക്കാനോ ഈ ഗ്രൂപ്പു നേതാക്കന്മാര്ക്ക് എന്തേ സമയം കിട്ടുന്നില്ല. അതിന് എവിടെ നേരം എന്നും ഡല്ഹിയിലല്ലേ. നാണമില്ലേ. ഒരു talk ഇരുന്നു സമവായം ഉണ്ടാക്കാനറിയാത്ത നേതാക്കന്മാര് ലജ്ജിച്ചു മരിക്കാതെ മരിക്കുകയാണ്. കോണ്ഗ്രസ്സിന്റെ താഴെക്കിടയിലുള്ള അണികളെ പുല്ലുവില പോലും കൊടുക്കാതെ അടിമപ്പണി ചെയ്യിച്ചു സ്വന്തം ഗ്രൂപ്പു മാനേജര്മാരുടെ ഉപദേശം കേട്ട് വീതം വയ്ക്കുന്ന പരിപാടി ഇനിയും നടക്കില്ല. നല്ല ചുണക്കുട്ടികളായ നേതാക്കള് ഇനി കാര്യം വേണ്ട പോലെ നടത്തും. അസൂയ കൊണ്ടിട്ടു കാര്യമില്ല. കുറെ പടുകിഴവന്മാരെ വച്ച് വീതം വയ്പ് ഇനി നടക്കില്ല. നടത്തില്ല. നിങ്ങളുടെ സമയം കഴിഞ്ഞു ഒഴിഞ്ഞുകൊടുക്കൂ. സ്വസ്ഥമായി ഭരിക്കാന് പാര്ട്ടിയെ നയിക്കാന് ഇപ്പോഴുള്ള നേതൃത്വത്തെ അനുവദിക്കൂ. പുതിയ തലമുറയെ എത്രനാള് നിങ്ങള് അവഗണിക്കും. മരണം വരെ നിങ്ങള് തന്നെ ഭരിച്ചാല് മതിയോ.
ഈ പരിപാടി അവസാനിപ്പിക്കൂ. വേദികളില് നിന്നു താഴെത്തട്ടിലേക്കു ഇറങ്ങിവരൂ. പ്രവര്ത്തകരുടെ വികാരം മനസ്സിലാക്കൂ...മരണക്കിടക്കിയില് നിന്ന് പാര്ട്ടിയെ വീണ്ടെടുക്കാന് ശ്രമിക്കുന്നവരെ പിന്നില് നിന്നും കുത്താതെ ഒന്നിച്ചു പ്രവര്ത്തിക്കൂ. ഈ പാര്ട്ടി തിരിച്ചു വരണം.
ജയ് ഹിന്ദ്.