Image

ഷാറൂഖ് ഖാനെ ബഹിഷ്‌കരിക്കാന്‍ ബിജെപി നേതാവിന്റെ ആഹ്വാനം

Published on 17 September, 2021
ഷാറൂഖ് ഖാനെ ബഹിഷ്‌കരിക്കാന്‍ ബിജെപി നേതാവിന്റെ ആഹ്വാനം



മുംബൈ: ബോളിവുഡ് സൂപ്പര്‍ താരം ഷാറൂഖ് ഖാനെ ബഹിഷ്?കരിക്കാനുള്ള ബിജെപി നേതാവിന്റെ ആഹ്വാനം ബഹിഷ്‌ക്കരിച്ച് ആരാധകര്‍. ബോയ്‌ക്കോട്ട് ഷാരൂഖ് ഖാന്‍ എന്ന ഹരിയാന ബിജെപി നേതാവിന്റെ ആഹ്വാനത്തെ പ്രതിരോധിച്ച് ഷാരൂഖിന്റെ ആരാധകര്‍ രംഗത്ത് വന്നതോടെ ട്വിറ്ററില്‍ ട്രെന്‍ഡിംഗായി പുതിയ ഹാഷ്ടാഗ് യുദ്ധം ആരംഭിച്ചു. 

ഹരിയാന ബി.ജെ.പിയുടെ സ്റ്റേറ്റ് ഇന്‍ഫര്‍മേഷന്‍ ടെക്‌നോളജി ഡിപാര്‍ട്‌മെന്റിന്റെ ചുമതല വഹിക്കുന്ന അരുണ്‍ യാദവാണ് ഷാറൂഖിനെ ബഹിഷ്‌കരിക്കുക എന്ന ഹാഷ്ടാഗ് പ്രചിരിപ്പിച്ചത്. ഷാറൂഖ്? ഖാന്‍ പാകിസ്താനൊപ്പമാണെന്ന് ആരോപിച്ച അരുണ്‍ യാദവ്?  താരം പാക്കിസ്ഥാന്‍ ക്രിക്കറ്റ് കളിക്കാരെ പിന്തുണയ്ക്കുന്നതോ ഇന്ത്യയിലെ അസഹിഷ്ണുതയെക്കുറിച്ച് സംസാരിക്കുന്നതോ ആയ ചിത്രങ്ങളും വാര്‍ത്തകളും പങ്കുവെച്ചുകൊണ്ടായിരുന്നു ട്വീറ്റുകള്‍. ആമിര്‍ ഖാനെയും സല്‍മാന്‍ ഖാനെയും ബഹിഷ്‌കരിക്കണമെന്നും ട്വീറ്റ് ചെയ്തു.

തുടര്‍ന്ന് ബഹിഷ്‌കരണത്തെ അനുകൂലിച്ച്  30000ലേറെ ട്വീറ്റുകളാണ് ?പ്രത്യക്ഷപ്പെട്ടത്. ഉടന്‍ തന്നെ 'ഞങ്ങള്‍ ഷാറൂഖിനെ സ്‌നേഹിക്കുന്നു' എന്ന ഹാഷ്ടാഗുമായി ആരാധകരും രംഗത്ത് വന്നിരുന്നു. മണിക്കൂറുകള്‍ക്കകം ആ ഹാഷ്ടാഗ് ട്രെന്‍ഡിങ്ങാവുകയും ചെയ്തു. ഷാരൂഖിനെ ആക്ഷേപിച്ചും വര്‍ഗ്ഗീയമായ പരാമര്‍ശം നടത്തിയും എതിരാളികള്‍ കമന്റുകള്‍ ഇട്ടപ്പോള്‍ വീ ലവ് ഷാരൂഖ ഹാഷ്ടാഗില്‍ താരത്തിന്റെ മാനുഷീക മൂല്യവും നന്മയുമായിരുന്നു ആരാധകര്‍ ഉയര്‍ത്തിക്കാട്ടിയത്. 

ഷാറൂഖിന്റെ പുതിയ സിനിമയുമായി ബന്ധപ്പെട്ടാണ് വിവാദം തല ഉയര്‍ത്തിയിരിക്കുന്നത്.  അടുത്ത മാസം റിലീസിനൊരുങ്ങുന്ന പത്താന്‍ സിനിമയെ വെച്ചായിരുന്നു  വിദ്വേഷ പരാമര്‍ശങ്ങളുമായി നടനെ ആക്രമിക്കാനുള്ള നീക്കം ഉണ്ടായത്. 'എന്തിനാണ് ഇന്ത്യയിലെ പടത്തിന് പത്താന്‍ എന്ന്? പേരിടുന്നത് ഷാറൂഖ് വേണമെങ്കില്‍ അഫ്ഗാനിസ്താനില്‍ പോയി സിനിമ എടുത്തോട്ടെ' എന്നായിരുന്നു ഒരു ട്വീറ്റിലെ പരാമര്‍ശം.

അതേസമയം സംഭവം കേറി കത്തിയതോടെ ഷാറൂഖിനെ ബഹിഷ്‌കരിക്കാനുള്ള ഹാഷ്ടാഗില്‍ താന്‍ പോസ്റ്റ് ചെയ്ത ട്വീറ്റുകളൊക്കെ ഉച്ചയോടെ അരുണ്‍ യാദവ് സ്വന്തം ട്വീറ്റ് ഡിലീറ്റ് ചെയ്യുകയും മറ്റുള്ളവരുടെ വിദ്വേഷ ട്വീറ്റുകള്‍ റീട്വീറ്റ് ചെയ്യുകയും ചെയ്തു.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക