പാലാ എം.എല്.എ ആയി വീണ്ടും തെരഞ്ഞെടുക്കപ്പെട്ട മാണി സി. കാപ്പനുമായി മാധ്യമ പ്രവര്ത്തകന് മനു തുരുത്തിക്കാടന് നടത്തിയ അഭിമുഖം നാളെ (സെപ്റ്റംബര് 18 ശനിയാഴ്ച) രാവിലെ 11 മണിക്ക് പ്രവാസി ചാനലില് സംപ്രേഷണം ചെയ്യും.
അഞ്ചു വര്ഷം താനും അബുദാബിയില് പ്രവാസിയായിരുന്നു എന്നു പറഞ്ഞ കാപ്പന് വോളിബോളിലൂടെ കേരളത്തിന്റെ പ്രശസ്തി രാജ്യാന്തര തലത്തിലേക്ക് എത്തിച്ച ജിമ്മി ജോര്ജുമായി ഒന്നിച്ച് പ്രവര്ത്തിച്ച തന്റെ വോളിബോള് സ്മരണ പുതുക്കി.
നടനും സംവിധായകനും, നിര്മ്മാതാവും കൂടിയായ കാപ്പന് താന് നിര്മ്മിച്ച മലയാളത്തിലെ മെഗാ ഹിറ്റായ മേലേപ്പറമ്പില് ആണ്വീടിന്റെ രണ്ടാം ഭാഗം വരുന്നത് പ്രവാസി ചാനലിലൂടെ വെളിപ്പെടുത്തി.
അകാലത്തില് കാലയവനികയ്ക്കുള്ളില് മറഞ്ഞ പ്രിയ സുഹൃത്ത് ഉഴവൂര് വിജയന്, പാലാ ബിഷപ്പിന്റെ പ്രസ്താവന, ഓണദിവസത്തെ ഉപവാസം, മണ്ഡലത്തിലെ തന്റെ കര്മ്മ പദ്ധതികള് തുടങ്ങി എല്ലാ വിഷയങ്ങളിലും വിശദമായ അഭിമുഖം വൈകുന്നേരം നാലു മണിക്കും, വൈകിട്ട് 9നും സംപ്രേഷണം ചെയ്യും.
അമേരിക്ക നിരവധി തവണ സന്ദര്ശിച്ചിട്ടുള്ള കാപ്പന് ചിക്കാഗോയിലെ ബിജു കിഴക്കേക്കുറ്റ്, ഫെലിക്സ്, ന്യൂയോര്ക്കിലെ ഷാജി എന്നിവരുമായുള്ള സൗഹൃദം എടുത്തു പറഞ്ഞു.
പ്രവാസി ചാനലിനു പുറമെ ചിത്രം ടിവിയിലും, വേള്ഡ് ബിബി ടിവിയിലും, ഇ-മലയാളിയിലും അഭിമുഖം കാണാം.