തിരുവനന്തപുരം: ബംഗാള് ഉള്ക്കടലില് രൂപംകൊണ്ട അതിതീവ്ര ന്യുനമര്ദ്ദം ഗുലാബ് ചുഴലിക്കാറ്റായി കരയില് പ്രവേശിച്ചതോടെ സംസ്ഥാനത്ത് ശക്തമായ മഴ. ഇന്നലെ വൈകിട്ട് ആറുമണിയോടെയാണ് ചുഴലിക്കാറ്റ് കരതൊട്ടത്. അര്ദ്ധരാത്രിയോടെ സംസ്ഥാനത്ത് ശക്തമായ മഴ അനുഭവപ്പെട്ടു തുടങ്ങി. മൂന്നു ദിവസം മഴ തുടരുമെന്ന് കാലാവസ്ഥ നിരീക്ഷണ കേന്ദ്രം നല്കുന്ന മുന്നറിയിപ്പ്.
11 ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം കൊല്ലം, എറണാകുളം ഒഴികെയുള്ള ജില്ലകളില് ജാഗ്രത നിര്ദേശവും നല്കി. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട് എന്നീ ജില്ലകളിലെ ഒറ്റപ്പെട്ടയിടങ്ങളില് മണിക്കൂറില് 41 മുതല് 61 കി.മീ വരെ വേഗതയില് വീശിയടിച്ചേക്കാവുന്ന കാറ്റിനും ഇടിമിന്നലോടുകൂടിയ മഴയ്ക്കും വയനാട്, കണ്ണൂര്, കാസര്ഗോഡ് എന്നീ ജില്ലകളിലെ ഒറ്റപ്പെട്ടയിടങ്ങളില് മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു
മത്സ്യത്തൊഴിലാളികള് കടലില് പോകരുതെന്ന മുന്നറിയിപ്പും നല്കിയിട്ടുണ്ട്