മമ്മൂട്ടിയും പാര്വതി തിരുവോത്തും പ്രധാനവേഷങ്ങളിലെത്തുന്ന 'പുഴു'വിന്റെ ചിത്രീകരണം പൂര്ത്തിയായി. ഇക്കാര്യം മമ്മൂട്ടി തന്നെയാണ് അറിയിച്ചത്.. അണിയറപ്രവര്ത്തകര്ക്കൊപ്പമുള്ള ചിത്രം ഫെയ്സ്ബുക്കില് പങ്കിട്ടുകൊണ്ടാണ് പുഴു'വിന്റെ ചിത്രീകരണം പൂര്ത്തിയായ വിവരം അദ്ദേഹം അറിയിച്ചത്. പുരോഗമന ചിന്തയിലുള്ള ഏറെ പ്രതീക്ഷ നല്കുന്ന ചിത്രമാണിതെന്നും എത്രയും വേഗം നിങ്ങളിലേക്ക് എത്തിക്കാന് കാത്തിരിക്കുകയാണെന്നും മമ്മൂട്ടി പറഞ്ഞു.
റത്തീനയാണ് ചിത്രത്തിന്റെ സംവിധാനം. മമ്മൂട്ടിയുടെ സന്തത സഹചാരിയായ എസ്. ജോര്ജ് ആണ് ചിത്രം നിര്മ്മിക്കുന്നത്. ദുല്ഖര് സല്മാന്റെ വേ ഫെറര് ഫിലിംസാണ് ചിത്രത്തിന്റെ സഹനിര്മ്മാണവും വിതരണവും. ഹര്ഷാദ് ആണ് കഥ. തേനി ഈശ്വറാണ് ചിത്രത്തിന്റെ ക്യാമറ.
ബാഹുബലി, മിന്നല് മുരളി തുടങ്ങിയ ചിത്രങ്ങളുടെ കലാ സംവിധായകനായ മനു ജഗദ് ആണ് പുഴുവിന്റെയും കലാസംവിധാനം. വൈറസിന് ശേഷം ഷറഫ്, സുഹാസ് കൂട്ടുകെട്ട് ഹര്ഷാദിനൊപ്പം ചേര്ന്നാണ് തിരക്കഥയൊരുക്കുന്നത്.
വാഗമണ്,കുട്ടിക്കാനം എന്നിവിടങ്ങളിലാണ് അവസാനഘട്ട ചിത്രീകരണം നടന്നത്.മമ്മൂട്ടി, പാര്വതി എന്നിവര്ക്കൊപ്പം നെടുമുടി വേണു, ഇന്ദ്രന്സ്, മാളവിക മോനോന് തുടങ്ങി നിരവധി പ്രമുഖരായ ഒരു താര നിര തന്നെ പുഴുവിന്റെ ഭാഗമായി എത്തുന്നുണ്ട്.
ദീപു ജോസഫാണ് എഡിറ്റിംഗ്. സംഗീത സംവിധാനം ജേക്സ് ബിജോയ്. ആര്ട്ട് മനു ജഗത്. വിഷ്ണു ഗോവിന്ദും ശ്രീശങ്കറുമാണ് സൗണ്ട് ഡിസൈന്. വസ്ത്രാലങ്കാരം സമീറാ സനീഷ്. പ്രൊജക്ട് ഡിസൈന് ബാദുഷ. സ്റ്റില് ശ്രീനാഥ് ഉണ്ണിക്കൃഷ്ണന്. രാജേഷ് കൃഷ്ണ, റനീഷ് അബ്ദുള്ഖാദര്, ശ്യാം മോഹന് എന്നിവരാണ് എക്സിക്യുട്ടീവ് പ്രൊഡ്യൂസേഴ്സ്.