Image

ഞങ്ങളുടെ ഗ്രാമത്തിന് കളങ്കം സൃഷ്ടിക്കുന്നു: 'ചു​രു​ളി'ക്കെതിരെ പ്ര​തി​ഷേ​ധ​വു​മാ​യി ചുരുളിക്കാ​ര്‍

Published on 24 November, 2021
ഞങ്ങളുടെ ഗ്രാമത്തിന് കളങ്കം സൃഷ്ടിക്കുന്നു:  'ചു​രു​ളി'ക്കെതിരെ  പ്ര​തി​ഷേ​ധ​വു​മാ​യി ചുരുളിക്കാ​ര്‍
ചെ​റു​തോ​ണി: സ​ഭ്യ​ത​യു​ടെ എ​ല്ലാ സീ​മ​ക​ളും ലം​ഘി​ച്ച്‌ 'ചു​രു​ളി' പ്രേ​ക്ഷ​ക​ര്‍​ക്കു മു​ന്നി​ലെ​ത്തി​യ​പ്പോ​ള്‍ ചു​രു​ളി​ക്കാ​ര്‍ പ്ര​തി​ഷേ​ധ​വു​മാ​യി രം​ഗ​ത്തെ​ത്തി.
നി​യ​മ​സ​ഭാ ച​രി​ത്ര​ത്തി​ല്‍​പോ​ലും സ്ഥാ​നം​പി​ടി​ച്ച ചു​രു​ളി എ​ന്ന കു​ടി​യേ​റ്റ ഗ്രാ​മ​ത്തി​നു ക​ള​ങ്കം സൃ​ഷ്ടി​ക്കു​ന്ന​താ​ണ് സി​നി​മ​യെ​ന്ന് ചു​രു​ളി​ക്കാ​ര്‍ ആ​രോ​പി​ച്ചു.

ഒ​രു മ​ദ്യ​ശാ​ല പോ​ലു​മി​ല്ലാ​ത്ത ചു​രു​ളി ഗ്രാ​മ​ത്തി​ന്‍റെ മു​ഖഛാ​യ​ക്കു ക​ള​ങ്കം​വ​രു​ത്തു​ന്ന രീ​തി​യി​ല്‍ കേ​ട്ടാ​ല​റ​യ്ക്കു​ന്ന തെ​റി​യ​ഭി​ഷേ​ക​മാ​ണ് ചി​ത്ര​ത്തി​ലു​ട​നീ​ള​മു​ള്ള​ത്. 1960-ക​ളി​ല്‍ ജീ​വി​ക്കാ​ന്‍​വേ​ണ്ടി ചു​രു​ളി -കീ​രി​ത്തോ​ട്ടി​ല്‍ കു​ടി​യേ​റി​യ ക​ര്‍​ഷ​ക​രെ അ​ന്ന​ത്തെ സ​ര്‍​ക്കാ​ര്‍ കു​ടി​യി​റ​ക്കാ​ന്‍ ന​ട​ത്തി​യ ശ്ര​മ​ങ്ങ​ള്‍ ഇ​ന്നും ആ​രും മ​റ​ന്നി​ട്ടി​ല്ല.

കീ​രി​ത്തോ​ട്ടി​ലും ചു​രു​ളി​യി​ലും ലാ​ത്തി​ച്ചാ​ര്‍​ജ​ട​ക്ക​മു​ള്ള പീ​ഡ​ന​ങ്ങ​ള്‍​ക്ക് ക​ര്‍​ഷ​ക​രി​ര​യാ​യി. എ​കെ​ജി, ഫാ. ​വ​ട​ക്ക​ന്‍, മ​ത്താ​യി മാ​ഞ്ഞൂ​രാ​ന​ട​ക്ക​മു​ള്ള​വ​ര്‍ കീ​രി​ത്തോ​ട്ടി​ലും ചു​രു​ളി​യി​ലും ക​ര്‍​ഷ​ക​ര്‍​ക്കാ​യി സ​മ​രം ന​യി​ച്ചു. അ​ങ്ങ​നെ നേ​ടി​യെ​ടു​ത്ത ഗ്രാ​മ​മാ​ണ് ചു​രു​ളി.

സ​മ​ര​ത്തി​ന്‍റെ പി​ന്‍​ബ​ല​ത്തി​ല്‍ പി​ന്നീ​ട് അ​ധി​കാ​ര​ത്തി​ല്‍​വ​ന്ന സ​ര്‍​ക്കാ​ര്‍ കു​ടി​യി​രു​ത്തി​യ മ​ല​യോ​ര ക​ര്‍​ഷ​ക​ര്‍​ക്ക് മൊ​ത്തം അ​പ​മാ​നം വ​രു​ത്തി​വ​യ്ക്കു​ന്ന ചു​രു​ളി എ​ന്നു പേ​രി​ട്ടി​രി​ക്കു​ന്ന സി​നി​മ നി​രോ​ധി​ക്ക​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു. ക​ഞ്ഞി​ക്കു​ഴി പ​ഞ്ചാ​യ​ത്തി​ല്‍​പ്പെ​ട്ട ചു​രു​ളി​യി​ല്‍ നാ​നാ​ജാ​തി മ​ത​സ്ഥ​രാ​യ നൂ​റു​ക​ണ​ക്കി​നു കു​ടും​ബ​ങ്ങ​ള്‍ തി​ങ്ങി​പ്പാ​ര്‍​ക്കു​ന്നു​ണ്ട്. സാം​സ്കാ​രി​ക മ​ന്ത്രി സ​ജി ചെ​റി​യാ​നു നി​വേ​ദ​നം ന​ല്‍​കാ​നു​ള്ള ത​യാ​റെ​ടു​പ്പി​ലാ​ണ് ചു​രു​ളി​ക്കാ​ര്‍.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക