വെല്ലിങ്ടണ്‍ ഡിഫൻസ്‌ കോളേജിൽ 2.45ന്‌ സൈനിക കേഡറ്റുകളോട്‌ സംവദിക്കുന്നതിനായാണ്‌ 11.45ന്‌ സുളൂർ വ്യോമതാവളത്തിൽ നിന്നും സംയുക്ത സൈനിക മേധാവി ബിപിന്‍ റാവത്ത്‌ വെല്ലിങ്‌ടണിലേക്ക്‌ പുറപ്പെട്ടത്‌. 12.20 വെല്ലിങ്‌ടൺ ഹെലിപാഡിൽ എത്തിയെങ്കിലും മോശം കാലാവസ്ഥയെ തുടർന്ന്‌ ഇറങ്ങാതെ മടങ്ങുകയായിരുന്നു. എന്നാൽ 10 കിലോ മീറ്റർ മാത്രം മാറി കുനൂർ കട്ടേരിക്ക്‌ സമീപം ഒരു ഫാമിൽ ചോപ്പർ തകർന്നു വീഴുകയായിരുന്നു.