നൊന്തു പെറ്റവള്‍ക്കേ പേറ്റുനോവിന്റെ വിലയറിയൂ (ദുര്‍ഗ മനോജ് )

Published on 08 January, 2022
നൊന്തു പെറ്റവള്‍ക്കേ പേറ്റുനോവിന്റെ വിലയറിയൂ (ദുര്‍ഗ മനോജ് )

കുഞ്ഞുങ്ങളെ തട്ടിയെടുക്കുന്ന വാര്‍ത്ത അത്ര പുതിയതൊന്നുമല്. പക്ഷേ, അത്തരം ഒരു വാര്‍ത്തയോടൊപ്പം ചേര്‍ത്തു വായിക്കാന്‍ പറ്റുന്ന അനുബന്ധം ഭിക്ഷാടന മാഫിയ, എന്നോ ദത്തെടുക്കല്‍ കേന്ദ്രങ്ങളുടെ ഇടപെടലുകള്‍ എന്നോ ആണ്. എന്നാല്‍ അതൊന്നുമല്ലാതെ ഒരു സംഭവം നടന്നിരിക്കുന്നു. കാമുകനെ വിശ്വസിപ്പിക്കുവാന്‍ കുഞ്ഞിനെ തട്ടിയെടുക്കുക!

ഒരു കുഞ്ഞു ജനിക്കുക എന്നാല്‍ ഒരു കുടുംബത്തിന്റെ കാത്തിരിപ്പു കൂടി ആരംഭിക്കുകയാണ്. ഗര്‍ഭിണിയാണ് എന്നറിയുന്ന സമയം മുതല്‍ ആരംഭിക്കുന്ന തയ്യാറെടുപ്പുകള്‍, ഒരാള്‍ കൂടി കുടുംബത്തിലേക്കു വരികയാണ്. ഒമ്പതു മാസവും കൃത്യമായ ചെക്കപ്പുകള്‍, ഇതൊക്കെ കഴിഞ്ഞ് ലേബര്‍ റൂമിലെ പരീക്ഷണങ്ങളും താണ്ടി, ആദ്യമായി ആ കുഞ്ഞു മുഖം കാണുന്ന നിമിഷം! ഏതൊരമ്മയുടെ ഹൃദയമാണ് ആനന്ദം കൊണ്ടു തുടിക്കാത്തത്. ആ കുഞ്ഞിനെ ഒരാള്‍ക്കും അവര്‍ കൈമാറില്ല. പക്ഷേ, പൂതന, മോഹിനി വേഷം പൂണ്ടെന്നവണ്ണം, ജീവന്‍ രക്ഷിക്കുന്ന ഡോക്ടറുടെ രൂപത്തില്‍ ഒരു തട്ടിപ്പുകാരി കുഞ്ഞിനെ ആവശ്യപ്പെടുമ്പോള്‍ അവര്‍ക്ക് സംശയിക്കുവാനായില്ല. ഏതായാലും ഒരു ടാക്‌സി ഡ്രൈവറുടെ സമയോചിതമായ പെരുമാറ്റവും പോലീസിന്റെ ജാഗ്രതയും കുഞ്ഞിനെ അതിന്റെ അച്ഛനമ്മമാരുടെ അടുത്ത് എത്തിക്കുവാന്‍ ഇടയാക്കി. പക്ഷേ, ചോദ്യങ്ങള്‍ അവസാനിക്കുന്നില്ല.


ഒന്നാമതായി, അങ്ങനെ ആര്‍ക്കും ഒരു വെള്ളക്കോട്ട് വാടകയ്ക്ക് എടുത്ത് അണിഞ്ഞു കൊണ്ട് അനായാസം കയറിയിറങ്ങുവാന്‍ സാധിക്കുന്ന ഒരിടമാണോ സര്‍ക്കാര്‍ ആശുപത്രികള്‍? ഇപ്പോള്‍ ഈ സംഭവം വിവാദമായപ്പോള്‍ സുരക്ഷാ ആഡിറ്റ് നടത്തുമെന്നു പറയുന്നു. പരിധിക്കുമപ്പുറം രോഗികള്‍ വന്നടിയുന്ന ഇടമാണ് നമ്മുടെ മെഡിക്കല്‍ കോളേജുകള്‍. മുന്‍പു തന്നെ അത്ര വലിയ കേമത്തമൊന്നും പറയാനില്ലാത്ത നമ്മുടെ സാമ്പത്തികരംഗം, കോവിഡ് തരംഗത്തോടെ തകര്‍ന്നു നടുവൊടിഞ്ഞു. അതോടെ സാധാരണക്കാര്‍ക്ക് ആശ്രയിക്കാന്‍ സര്‍ക്കാര്‍ സംവിധാനങ്ങള്‍ മാത്രമേ ഉള്ളൂ എന്നായിരിക്കുന്നു. അവിടെ, ചികിത്സ വൈകുന്നതും, കട്ടിലുകിട്ടാതെ നിലത്തു കിടക്കേണ്ടി വരുന്നതും നമ്മളങ്ങു സഹിക്കും, പക്ഷേ നൊന്തു പെറ്റ കുഞ്ഞിനെ ഒരു തട്ടിപ്പിനു വേണ്ടി തട്ടിയെടുത്തു എന്നു പറഞ്ഞാല്‍ എങ്ങനെ സഹിക്കും? കുഞ്ഞിനെ കാണാനില്ല എന്നറിഞ്ഞ നിമിഷം മുതല്‍ ഒരമ്മയും ആ ഒരു കുടുംബവും സഹിച്ച മനോവേദനയെ എന്തിനോട് ഉപമിക്കും? ഇനി ഒരമ്മയ്ക്കും ഈ അനുഭവം ഉണ്ടാകരുത്, ഒരു കുഞ്ഞിനും ഈ പരീക്ഷണം നേരിടേണ്ടി വരരുത്. ഒരു സുരക്ഷാ ജീവനക്കാരിയെ സസ്‌പെന്‍ഡ് ചെയ്തതോടെ എല്ലാം ഭദ്രമെന്ന് പറഞ്ഞ് കൈകഴുകരുത്. ഇതൊരു മുന്നറിയിപ്പാണ്. ഇതുപോലുള്ള സംഭവങ്ങള്‍ ഇനിയും ആവര്‍ത്തിക്കാതിരിക്കുവാന്‍ വേണ്ട നടപടികള്‍ ആരംഭിക്കാനുള്ള സമയം അതിക്രമിച്ചു എന്ന മുന്നറിയിപ്പാണ്. ഇത്തരത്തില്‍ കുഞ്ഞു നഷ്ടപ്പെട്ട് ഒരമ്മയുടേയും കണ്ണീര് ഇനി ഈ മണ്ണില്‍ വീഴരുത്. പെറ്റ വയറിന്റെ വേദന കട്ടുകൊണ്ടു പോകുന്നവര്‍ക്കറിയില്ല.
ഏതായാലും അമ്മയുടെ അടുത്തേക്ക് തിരികെ എത്തിയ കുഞ്ഞിപ്പെണ്ണിന് അജയ്യ എന്നു പോലീസ് മാമന്മാര്‍ പേരിട്ടു കഴിഞ്ഞു. അവള്‍ അജയ്യ തന്നെ ആകട്ടെ. അമ്മയ്ക്കും കുഞ്ഞിനും ഇനി ആനന്ദപൂക്കാലമാകട്ടെ...

Love as Labor 2022-01-09 19:09:46
A rather relevant article, in this month of Jan . - Prolife month in this country ; the interesting headding can make us ponder about the deep mystery of our lives , hidden in the brief and abrupt mention of labor pains in the Book Of Genesis , after The Fall - our First Parents Adam and Eve - ? not having heeded to the directive of The Father , to 'till and guard ' The Garden had allowed the entry of the envious enemy , having put more trust in his lies , an enemy who had been envious of the role given to humans in their capacity to bring forth children , thus 'copartner ' with God . The enemy efforts to degrade that role , esp. through evils against women and the life bearing role is seen as the flood waters of lies and myths that abound in cultures , to 'sweep away The Woman ' .. The Book ' Virgin Mary in the Kingdom of The Divine Will ' - on line , about The Woman , to help swallow up all such flood waters ... the reason the enemy detests and tries to thwart the efforts to help share and spread The Truth , to set man free from the degrading lies , to instead take in our dignity and identity as children of such a holy and powerful Mother ..a Mother that was concieved 'immaculate ' , in total holiness , as Adam and Eve too would have been blessed to , to bring forth holy children , free of carnal passions , if not for The Fall . The 'labor pains ' of The Mother were more of the interior type , having been blessed from the moment of conception knowing both love and sorrow - the oceans of love and holiness in The Trinity as well as the effects of the rebellion in human lives ... pleading for God to send forth the promised Redeemer .. Likely too that The Mother brought forth The Son free of conventional labor pains and its aspects , more like as in The Divine Will manifesting Himself as the Sun Rise at Resurrection .. yet , the Love of that Mother , far surpassing that of any of ours ..and there are counrageous mothers / parents in our times too , who discern The Divine Will and choose to let another bring up their children such as through adoption ..or choose to live spiritual motherhood and fatherhood , in choosing to live the abundant Life in The Spirit , to also make reparations to help aid a world where in the carnal lies bring confusion and evils into many lives . The yearning and grieving in hearts when life is threatend , whether through illness or evils - that too aiding in reparation against the hatred and contempt for life and the love as responsibilty that is needed to protect and cherish all life - many in our times too in such heroic roles as well . Glory be !
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക