നടന് ധനുഷും ഭാര്യയും സംവിധായികയുമായ ഐശ്വര്യ രജനികാന്തും വേര്പിരിയുന്നു. സോഷ്യല് മീഡിയയില് പുറത്തിറക്കിയ പ്രസ്താവനയിലൂടെയാണ് തങ്ങള് വേര്പിരിയുന്നതിനെ കുറിച്ച് ഇരുവരും അറിയിച്ചത്. 2004 നവംബര് 18നായിരുന്നു ഇരുവരുടെയും വിവാഹം.
ഇവര്ക്ക് യത്ര, ലിംഗ എന്നിങ്ങനെ രണ്ട് ആണ്മക്കളുണ്ട്. വളര്ച്ചയുടെയും മനസ്സിലാക്കലിന്റെയും യാത്രയായിരുന്നു ഇതെന്നും ഇപ്പോള് തങ്ങള് ഇരുവരുടെയും വഴികള് പിരിയുന്ന സമയമാണെന്നും ധനുഷും ഐശ്വര്യയും പ്രസ്താവനയില് പറയുന്നു.
രജനികാന്തിന്റെ മൂത്ത മകളാണ് ഐശ്വര്യ. പിന്നണി ഗായികയായാണ് ഐശ്വര്യ സിനിമയില് എത്തിയത്. 2003ല് പുറത്തിറങ്ങിയ വിസില് എന്ന ചിത്രമാണ് ഐശ്വര്യയുടെ ആലാപനത്തോടെ ആദ്യമായി പുറത്തെത്തിയത്. ധനുഷിനെ നായകനാക്കി 2012ല് പുറത്തെത്തിയ 3 എന്ന ചിത്രത്തിലൂടെ സംവിധായികയായും അരങ്ങേറി.
ധനുഷും ഐശ്വര്യയും പങ്കുവെച്ച പ്രസ്താവന:
സുഹൃത്തുക്കളും പങ്കാളികളുമായി 18 വര്ഷത്തെ ഒരുമിച്ചു നില്ക്കല്, മാതാപിതാക്കളായും പരസ്പരമുള്ള അഭ്യുദയകാംക്ഷികളായും. വളര്ച്ചയുടെയും മനസ്സിലാക്കലിന്റെയും ക്രമപ്പെടുത്തലിന്റെയും ഒത്തു പോവലിന്റെയുമൊക്കെ യാത്രയായിരുന്നു ഇത്.. ഞങ്ങളുടെ വഴികള് പിരിയുന്ന ഒരിടത്താണ് ഇന്ന് ഞങ്ങള് നില്ക്കുന്നത്.
പങ്കാളികള് എന്ന നിലയില് വേര്പിരിയുന്നതിനും വ്യക്തികള് എന്ന നിലയില് ഞങ്ങളുടെ തന്നെ നന്മയ്ക്ക് സ്വയം മനസിലാക്കുന്നതിന് സമയം കണ്ടെത്താനും ഐശ്വര്യയും ഞാനും തീരുമാനിച്ചിരിക്കുന്നു. ഞങ്ങളുടെ തീരുമാനത്തെ ദയവായി ബഹുമാനിക്കൂ. ഇതിനെ കൈകാര്യം ചെയ്യാന് അവശ്യം വേണ്ട സ്വകാര്യത ഞങ്ങള്ക്ക് നല്കൂ.