അന്വേഷണ സംഘത്തെ അപായപ്പെടുത്താന് ശ്രമിച്ചുവെന്ന കേസില് ചോദ്യം ചെയ്യല് രണ്ടാം ദിനവും തുടരുകയാണ്. സംവിധായകന് റാഫിയെ വിളിച്ചു വരുത്തിയിരിക്കുകയാണ് ക്രൈംബ്രാഞ്ച്. ദിലീപിനെ ചോദ്യം ചെയ്യുന്നതിനിടെയാണ് റാഫിയെ വിളിച്ചുവരുത്തിയത്.
അതേസമയം, നടന് ദിലീപിന്റെ സഹോദരി ഭര്ത്താവ് സുരാജിന്റെ പണമിടപാടുകള് ക്രൈംബ്രാഞ്ച് അന്വേഷിക്കും. സുരാജ് സാക്ഷികള്ക്ക് പണം കൈമാറിയതിന്റെ തെളിവുകള് അന്വേഷണ സംഘത്തിന് ലഭിച്ചു. പള്സര് സുനിയുടെ അമ്മയുടെ മൊഴിയും ക്രൈംബ്രാഞ്ച് രേഖപ്പെടുത്തുന്നുണ്ട്.
സാക്ഷികളെ സ്വാധീനിക്കാന് സുരാജ് വഴി പണം നല്കിയതായാണ് കണ്ടെത്തല്. ഡിജിറ്റല് പണമിടപാടുകളുടെ വിവരങ്ങളും അന്വേഷണ സംഘത്തിന് ലഭിച്ചു. പ്രമുഖ അഭിഭാഷകന് വഴിയും സാക്ഷികളെ സ്വാധീനിക്കാന് ശ്രമിച്ചതായി അന്വേഷണ സംഘത്തിന് സൂചന ലഭിച്ചിട്ടുണ്ട്.
അന്വേഷണ ഉദ്യോഗസ്ഥരെ അപായപ്പെടുത്താന് ഗൂഢാലോചന നടത്തിയെന്ന കേസില് ഫോണ് കോള് റെക്കോര്ഡുകള് അന്വേഷണ സംഘം പരിശോധിക്കും . ദിലീപടക്കം അഞ്ച് പ്രതികളുടെ ഫോണ് വിളിയുടെ വിശദാംശങ്ങളാണ് ശേഖരിക്കുക. ഒരാഴ്ചത്തെ ഫോണ് കോളുകളാണ് പരിശോധിക്കുന്നത്. .