കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താന് ഗൂഡാലോചന നടത്തിയെന്ന കേസില് നടന് ദിലീപിനെ രണ്ടാം ദിനവും ചോദ്യം ചെയ്തു.
കളമശേരിയിലെ ക്രൈംബ്രാഞ്ച് ഓഫീസില് രാവിലെ ഒന്പത് മണിക്ക് എത്തിയ ദിലീപിനെ 11 മണിക്കൂറോളമാണ് ചോദ്യം ചെയ്തത്. ദിലീപിനെ കൂടാതെ കേസിലെ മറ്റ് പ്രതികളെയും ഒന്നിച്ചിരുത്തിയായിരുന്നു ഇന്നത്തെ ചോദ്യം ചെയ്യല്.
അതേസമയം, ചോദ്യം ചെയ്യലിന് ശേഷം ഓഫീസിന് പുറത്തിറങ്ങിയ ദിലീപ് മാധ്യമങ്ങളോട് പ്രതികരിക്കാതെയാണ് വീട്ടിലേക്കു മടങ്ങിയത്. ദിലീപിനെയും മറ്റുള്ളവരെയും ചോദ്യം ചെയ്യുന്നതിനുള്ള അനുമതി ചൊവ്വാഴ്ച അവസാനിക്കും.