MediaAppUSA

ആലക്കാട്ട് ഞാനെത്തുമ്പോൾ  ( കവിത : പ്രകാശൻ കരിവെള്ളൂർ )

Published on 27 April, 2022
ആലക്കാട്ട് ഞാനെത്തുമ്പോൾ  ( കവിത : പ്രകാശൻ കരിവെള്ളൂർ )

ആലക്കാട്ട് ഞാനെത്തുമ്പോൾ 
കത്തും വെയിലെന്നെ 
തഴുകുന്നു ,
ഉച്ചയാണെന്നു ഞാനും 
മറക്കുന്നു.
അമ്മയോടൊത്തു
പോയി 
പറങ്കിമാങ്ങാ  
ക്കുന്നുകൾ   
താണ്ടുന്ന -
തേറെ നേരം .
അണ്ടി പെറുക്കുവാൻ 
കൂട്ടു പോയി 
പഴമെല്ലാം തിന്നു 
കുളിർത്തതോർപ്പൂ ...

അക്കുളിരെന്നേ 
മാഞ്ഞു പോയി ?
കുന്നുകളെങ്ങുമേ 
റബ്ബർ മാത്രം .

ഇന്നും ,
ആലക്കാട്ട് ഞാനെത്തുന്നു ,
കത്തും വെയിലെന്നെ 
കുത്തുന്നു.

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക