പാരിന് പരംപൊരുളായ,
മാനവനുള്പ്പൊരുളായ,
ആത്മീയചൈതന്യമായ,
ജ്ഞാന, മനശ്വരം, ദിവ്യം,
ശൂന്യപ്രപഞ്ചത്തിലാരോ-
ആദിയില് നാദം മുഴക്കി
മാറ്റൊലി വിസ്മയമായി,
സൃഷ്ടിസ്ഥിതിലയമായി,
വ്യത്യസ്തരാഗങ്ങളോടെ,
കാലമതേറ്റേറ്റുപാടി,
സര്വചരാചരങ്ങള്ക്കും,
സ്വത്വം പകരുകയായി,
ജീവനുണര്വേകിടുന്ന,
ആ വയനാമൃതധാര,
ജന്മാന്തരങ്ങളിലൂടെ,
ജന്മമുദാത്തമാക്കുമ്പോള്,
ബുദ്ധിവെളിച്ചത്തിലൂടെ,
ഉള്ക്കരുത്താര്ജ്ജിച്ചിടുമ്പോള്,
ചിന്താപഥങ്ങളില് നിന്ന്,
അന്ധതമായിച്ചിടുമ്പോള്,
ജ്ഞാനം മനനമാകുന്നു,
ജ്ഞാനം മകുടമാകുന്നു,
ജ്ഞാനം വിവേകമാകുന്നു,
ജ്ഞാനം വിശുദ്ധമാകുന്നു.
താഴ്ചയില്, വീഴ്ചയിലൊപ്പം,
കാഴ്ചകള് ശാന്തിയേകുന്ന!
സത്യധര്മ്മാദിയിലൂടെ-
നിത്യവും യാത്രയാക്കുന്നച
മനസ്സില് നിറദീപമായ്,
ജീവിതമാനയിക്കുന്ന,
മൃത്യു വഴിത്തിരിവാക്കി,
മുക്തിവാതില് തുറക്കുന്ന,
ജ്ഞാനം മഹാധനമായി-
മന്നില് വരമായതാര്ക്ക്?
എത്ര മഹത്താം നിയോഗം!
മര്ത്ത്യാ, നിനക്കായി മാത്രം.