പ്രശാന്ത് നീലിന്റെ, യാഷ് നായകനായ ബ്ലോക് ബസ്റ്റര് ചിത്രം ‘കെജിഎഫ് : ചാപ്റ്റര് 2’ കോടികള് മുടക്കി പുറത്തിറക്കിയ വമ്ബന് സിനിമകളെയും പിന്നിലാക്കി പ്രദര്ശനം തുടരുകയാണ്.
‘കെജിഎഫ് രണ്ട്’ എന്ന ചിത്രത്തിന് ഒടിടി റൈറ്റ്സിലും ചിത്രത്തിന് മികച്ച തുകയാണ് ലഭിച്ചിരുന്നു. ഇപ്പോഴിതാ ഒടിടി റിലീസ് ചെയ്യും മുന്നേ തന്നെ ഓണ്ലൈനില് ചിത്രം കാണാന് അവസരം ഒരുക്കിയിരിക്കുകയാണ് ആമസോണ് പ്രൈം വീഡിയോ (KGF 2).
‘കെജിഎഫ് രണ്ട്’ എന്ന ചിത്രം 199 രൂപയ്ക്കാണ് വാടകയ്ക്ക് ലഭ്യമാകുക. പ്രൈം വരിക്കാര്ക്കും ഇതുവരെ പ്രൈം അംഗമല്ലാത്തവര്ക്കും ചിത്രം വാടകയ്ക്ക് ലഭ്യമാകും. കന്നഡ, ഹിന്ദി, തമിഴ്, മലയാളം, തെലുങ്ക് എന്നീ ഭാഷകളിലാണ് ചിത്രം ലഭ്യമാകുക. സിനിമകള് വാടകയ്ക്ക് എടുക്കുന്നവര്ക്ക് സിനിമ 30 ദിവസത്തേയ്ക്കാണ് കാണാന് അവസരമുണ്ടാകുക. വാടകയ്ക്ക് എടുക്കുന്ന തീയതി തൊട്ട് ആ സിനിമ കാണാം.
വിജയ് കിരഗന്ദുറാണ് ചിത്രം നിര്മിച്ചത്. ഹൊംബാളെ ഫിലിംസിന്റെ ബാനറിലായിരുന്നു ചിത്രത്തിന്റെ നിര്മാണം. ‘കെജിഎഫ് 2’ ചിത്രത്തിന്റെ ചിത്രസംയോജനം നിര്വഹിച്ചത് ഉജ്വല് കുല്ക്കര്ണി. സഞ്ജയ് ദത്താണ് ചിത്രത്തില് വില്ലനായി എത്തിയത്.