ആലപ്പുഴയില് എസ്ഡിപിഐ മാര്ച്ചില് നടന്ന കൊലവിളി മുദ്രാവാക്യത്തില് കൈകഴുകി എസ്ഡിപിഐയും പോപ്പുലര് ഫ്രണ്ടും. ക്രിസ്ത്യാനികളേയും ഹിന്ദുക്കളേയും ഇല്ലാതാക്കുമെന്ന മുദ്രാവാക്യം പ്രായപൂര്ത്തിയാകാത്ത കുട്ടി എസ്ഡിപിഐ പ്രവര്ത്തകന്റെ ചുമലിലിരുന്നാണ് വിളിച്ചത്.
സമൂഹത്തിന്റെ വിവിധ കോണുകളില് നിന്നും ശക്തമായ എതിര്പ്പുകള് ഉയര്ന്നതോടെയാണ് അന്വേഷണം തങ്ങളിലേയ്ക്ക് നീങ്ങുമെന്ന് ഭയന്ന് പോപ്പുലര് ഫ്രണ്ട് കൈ കഴുകിയിരിക്കുന്നത്. തങ്ങള് എഴുതി നല്കിയ മുദ്രാവാക്യമല്ല കുട്ടി വിളിച്ചതെന്നാണ് ഇവരുടെ തീര്ത്തും ബാലിശമായ വിശദീകരണം.
തൃക്കാക്കരയില് എസ്ഡിപിഐയുടെ വോട്ടിന് വേണ്ടി ഇടത് വലത് മുന്നണികള് മത്സരിക്കുന്നതിനാല് കേസെടുത്താല് പുലിവാലാകുമോ എന്ന് ഭയന്ന പോലീസും ഒടുവില് ഗത്യന്തരമില്ലതെ ഈ വിഷയത്തില് അന്വേഷണം ആരംഭിച്ചിരിക്കുകയാണ്. പോപ്പുലര് ഫ്രണ്ടിനെതിരെയാണ് അന്വേഷണം.
കേസുവന്നാല് പ്രവര്ത്തകരാരും കുടുങ്ങാതെ കൈ കഴുകാനാണ് പ്രായപൂര്ത്തിയാകാത്ത കുട്ടിയെ ഉപയോഗിച്ച് മുദ്രാവാക്യം വിളിച്ചത്. ഇളം മനസ്സിലേയ്ക്ക് വര്ഗ്ഗീയ വിദ്വേഷം കുത്തി വച്ചതിന് ബാലാവകാശ കമ്മീഷനടക്കം കേസെടുക്കണമെന്ന ആവശ്യം വിവിധ കോണുകളില് നിന്നും ശക്തമാണ്.