പോപ്പുലര് ഫ്രണ്ടിന്റെ കൊലവിളിയില് വിവിധ കോണുകളില് നിന്നും ശക്തമായ പ്രതിഷേധങ്ങള് ഉയര്ന്നതിനെ തുടര്ന്ന് ഒടുവില് പോലീസ് കേസെടുത്തു ആലപ്പുഴയില് പോപ്പുലര് ഫ്രണ്ടിന്റെ റാലിക്കിടെയില് വിദ്വേഷ മുദ്രാവാക്യം വിളിച്ച സംഭവത്തിലാണ് പൊലീസ് കേസെടുത്തത്. കുട്ടിയെക്കൊണ്ട് വര്ഗീയ മുദ്രാവാക്യം വിളിപ്പിച്ചു എന്നാണ് കേസ്. മതസ്പര്ദ്ദ സൃഷ്ടിക്കാന് ശ്രമിച്ച കുറ്റത്തിന് ആലപ്പുഴ സൗത്ത് പൊലീസാണ് കേസെടുത്തിരിക്കുന്നത്.
റാലിക്കിടെയില് ഒരു കുട്ടിയാണ് മുദ്രാവാക്യം വിളിച്ചത്. റാലിയില് ഒരാള് തോളിലേറ്റിയിരുന്ന ചെറിയകുട്ടിയാണ് മുദ്രാവാക്യം വിളിച്ചത്. മതവിഭാഗങ്ങളെ വെല്ലുവിളിക്കുന്ന തരത്തിലായിരുന്നു മുദ്രാവാക്യം. സംഭവത്തില് പൊലീസ് രഹസ്യാന്വേഷണ വിഭാഗമാണ് അന്വേഷണം ആരംഭിച്ചിട്ടുണ്ട്. ആയിരക്കണക്കിനാളുകള് പങ്കെടുത്ത പ്രകടനത്തിനിടെ ഒരാളുടെ തോളത്തിരുന്ന് ചെറിയ കുട്ടി പ്രകോപനപരമായി മുദ്രവാക്യം വിളിക്കുന്ന ദൃശ്യങ്ങള് സമൂഹമാധ്യമങ്ങളില് വൈറലായിരുന്നു. ഇതേ തുടര്ന്നാണ് അന്വേഷണം.