അഞ്ച് സംസ്ഥാനങ്ങളിലെ ഏറ്റവും ജനപ്രീതിയുള്ള നേതാവ് തമിഴ്‌നാട് മുഖ്യമന്ത്രി എം.കെ.സ്റ്റാലിനാണെന്ന് അഭിപ്രായ സര്‍വേ ഫലം.  തമിഴ്‌നാടിനു പുറമേ കേരളം, ബംഗാള്‍, പുതുച്ചേരി, അസം എന്നിവിടങ്ങളിലാണ് സര്‍വേ നടത്തിയത്. 85% പേരും സ്റ്റാലിന്റെ പ്രവര്‍ത്തനങ്ങളെയും സര്‍ക്കാരിനെയും പ്രശംസിച്ചു. 

കേന്ദ്ര സര്‍ക്കാരിന്റെ പ്രവര്‍ത്തനങ്ങളില്‍ 40% പേര്‍ അതൃപ്തി രേഖപ്പെടുത്തിയെന്നും സീ വോട്ടര്‍ സര്‍വേ പറയുന്നു.17% പേര്‍ മാത്രമേ പൂര്‍ണ തൃപ്തി അറിയിച്ചുള്ളൂ.അടുത്ത പ്രധാനമന്ത്രിയാകാന്‍ നരേന്ദ്ര മോദിയെക്കാള്‍ രാഹുല്‍ ഗാന്ധിക്കാണു തമിഴ്‌നാട്ടിലെ 54% പേര്‍ യോഗ്യത കാണുന്നത്.