വ്യാജപ്രചരണങ്ങളിലൂടെ സത്യം മറയ്ക്കുന്നു: രാജൻ പടവത്തിൽ 

Published on 08 June, 2022
വ്യാജപ്രചരണങ്ങളിലൂടെ സത്യം മറയ്ക്കുന്നു: രാജൻ പടവത്തിൽ 

ഫൊക്കാനയിലെ ഒരു ഭാഗം സ്ഥിര നേതാക്കള്‍ ഭരണഘടനയേയും നിയമാവലിയേയും കാറ്റില്‍ പരത്തി  തങ്ങള്‍ക്കു തോന്നുന്ന രീതിയില്‍ 2020, ഓഗസ്റ്റ് മാസത്തില്‍ സൂം മീറ്റിംഗ്  നടതുകയും അത് വഴി  അധികാരത്തിലേരുകയും ചെയ്ത ടീം,  സത്യത്തെയും നീതിയേയും, കോടതി വിധികളേയും വെല്ലുവിളിച്ചു മുന്നേറുന്നു.

സത്യത്തിനും, നീതിക്കും, ധര്‍മ്മത്തിനും വേണ്ടി പോരാടി  ഫൊക്കാന ഭരണഘടനയെയും നിയമാവലിയെയും മുറുകിപിടിച്ചു   ഫൊക്കാനാ നാഷ്ണല്‍ കമ്മറ്റി പ്രമേയം പാസാക്കിയതനുസരിച്ച് കോവിഡ് 19 ന്റെ പശ്ചാത്തലത്തില്‍ 2018-2020 ഭരണസമിതിയുടെ കാലാവധി ഒരു വര്‍ഷം കൂടി നീട്ടി.  2021 ജൂലൈ 31ന് മുഖാമുഖം പൊതുയോഗവും തിരഞ്ഞെടുപ്പും നടത്തുന്നതിനും തീരുമാനിച്ചു. 

അതനുസരിച്ച് 2021 ജൂലൈ 31 ന് തന്നെ ന്യൂയോര്‍ക്കിലുള്ള മാരിയേറ്റ് ഹോട്ടലില്‍ വെച്ച്  മുഖാമുഖം പൊതുയോഗവും തിരഞ്ഞെടുപ്പും നടത്തി. അന്ന് തിരഞ്ഞെടുക്കപ്പെട്ട രാജന്‍ പടവത്തിലും റ്റീമും തങ്ങളുടെ പ്രവര്‍ത്തനങ്ങളുമായി മുന്നോട്ടുപോകുന്നു.

സൂം വഴി നടന്ന  തിരഞ്ഞെടുപ്പിനെ ചോദ്യം ചെയ്തു  ലീലാ മാരേട്ട്, അലക്‌സ് തോമസ്സ്, ജോസഫ് കുരിയാപ്പുറം എന്നിവര്‍ കക്ഷി ചേര്‍ന്ന്, ഫൊക്കാനാ രജിസ്ട്രര്‍ ചെയ്ത ന്യൂയോര്‍ക്കിലെ ക്യൂന്‍സ് സുപ്രീം കോര്‍ട്ടില്‍ കേസ് കൊടുത്തതിന്റെ പശ്ചാത്തലത്തില്‍ എതിര്വിഭാഗം  പ്രവര്‍ത്തനങ്ങള്‍ക്ക് ഇടക്കാല സ്റ്റേ അനുവദിക്കുകയുണ്ടായി. 

ന്യൂയോര്‍ക്ക്  കോര്‍ട്ടിന് ഈ വിധി പറയുവാന്‍ അവകാശമില്ലെന്ന് തെറ്റിധരിപ്പിച്ചുകൊണ്ട് ഇക്കൂട്ടര്‍ മെരിലാന്റിലുള്ള ഫെഡറല്‍ കോടതിയില്‍ കേസ് ഫയല്‍ ചെയ്തു. എന്നാല്‍ നാലു മാസങ്ങള്‍ക്കു ശേഷം മെരിലാന്‍ഡ് കോടതി കേസ് നിരുപാധികം തള്ളികളയുകയും ന്യൂയോര്‍ക്ക് കോര്‍ട്ടിലേയ്ക്ക് മടക്കി അയയ്ക്കുകയും ചെയ്തു. 

ഇക്കൂട്ടര്‍ വീണ്ടും മെരിലാന്‍ഡിലെ കീഴ്‌കോടതിയില്‍   കേസ് കൊടുത്തു. ഏതാണ്ട് ഒരാഴ്ചയ്ക്കകം തന്നെ ആ കേസും  തള്ളികളഞ്ഞു.

ഇതിനിടെ കേസ്സിലെ ഒരു കക്ഷിയായ ലീലാ മാരേട്ടിന് മോഹനവാഗ്ദാനങ്ങള്‍ നല്‍കി  കേസ് പിന്‍വലിപ്പിച്ചു കൂടെ നിര്‍ത്തി.

കേസ് എങ്ങും എത്താതെ വന്നപ്പോള്‍ ജോസഫ് കുരിയാപ്പുറം വീണ്ടും  ഒരു മോഷന്‍ ന്യൂയോര്‍ക്ക് സുപ്രീം കോടതിയില്‍ കൊടുത്തതിന്റെ പശ്ചാത്തലത്തില്‍ 2022, മെയ് 23ന് ഇരുകൂട്ടരുടെയും വാദം കേട്ടതിനുശേഷം 2022 ജൂണ്‍ ഒന്നാം തീയതിവരെ എതിർ ഗ്രൂപ്പിന്  ഫൊക്കാനയുടെ പേരില്‍  പ്രവര്‍ത്തനങ്ങൾ  നടത്തുന്നത് വിലക്കി.

ജൂണ്‍ ഒന്നാം തീയതി കോടതി ഇരുകൂട്ടരുടെയും വാദം കേട്ടതല്ലാതെ നാളിതുവരെ ഒരു ഉത്തരവ് പുറപ്പെടുവിച്ചിട്ടില്ല.

നിര്‍ഭാഗ്യവശാല്‍ ജനങ്ങളെ തെറ്റിധരിപ്പിച്ചുകൊണ്ടുള്ള ഒരു വാര്‍ത്ത ഇ-മലയാളിയില്‍ കാണുവാന്‍ ഇടയായി. അതായത് കേസില്‍ കഴമ്പില്ലെന്നും ഇക്കൂട്ടര്‍ക്ക് പ്രവര്‍ത്തനങ്ങള്‍ തുടരാമെന്നും ഒക്കെ പൊടിപ്പും, തൊങ്ങലും ചേര്‍ത്ത് എഴുതി പിടിപ്പിച്ചു. ഈ വാര്‍ത്ത തികച്ചും സത്യത്തെ മറച്ചു പിടിയ്ക്കുവാനും ജനങ്ങളില്‍ തെറ്റിധാരണ പരത്തുവാനും മാത്രമാണ്. കേസ്സിന്റെ വിധി കാത്തിരിക്കുന്നതിനു പകരം, 2020 ല്‍ ഓഗസ്റ്റില്‍ നടത്തിയ ഭരണഘടനാ വിരുദ്ധമായി തിരഞ്ഞെുപ്പിനെ ന്യായീകരിക്കുവാനും, വീണിടത്തു കിടന്നും ഉരുളുകയും മാത്രമാണ് ഇക്കൂട്ടര്‍ ചെയ്യുന്നത്.

കോടതിവിധി എന്തുതന്നെ ആയാലും അത് ഉള്‍ക്കൊള്ളുവാന്‍ തയ്യാറാകുമ്പോഴാണ് നേതൃത്വം വളരുന്നത് എന്ന്  മനസ്സിലാക്കിയാല്‍ നന്നായിരിക്കും.

Babu Thomas 2022-06-09 00:09:49
വല്ലാത്ത ജന്മങ്ങൾ ...
മാത്തുക്കുട്ടി ഇല്ലിമുളംകാട് 2022-06-10 16:33:32
സാമൂഹ്യപ്രതിബദ്ധതയുള്ള ഒരു സാധാരണ പൗരൻ എന്ന നിലയിൽ ഞാൻ ഒന്നു പ്രതികരിക്കുകയാണ്. ഇവിടെ പ്രത്യക്ഷപ്പെടുന്ന ഫോക്കാന ഫോമ, വേൾഡ് മലയാളി, ലോക കേരളസഭ എംപി തുടങ്ങിയ ഗ്രൂപ്പ് വാർത്തകളെ പറ്റി പൊതുവായി ഒന്ന് പ്രതികരിക്കുകയാണ്. ഓരോ ഗ്രൂപ്പിനും പ്രത്യേകമായി എഴുതണം എന്നുണ്ട്. പക്ഷേ അതിന് എനിക്ക് സമയമില്ല. അതിനാൽ എല്ലാ ഗ്രൂപ്പുകൾക്കും ആയി ഇത് എഴുതുകയാണ്. അവരവർക്ക്, അവരവരുടെ ഗ്രൂപ്പിന് വേണ്ടത് നിങ്ങൾ തന്നെ എൻറെ വാക്കുകളിൽനിന്ന് തെരഞ്ഞെടുത്തു കൊള്ളുക. കേരളത്തിലെ കെ വി തോമസ് കളി മാതിരിയാണ് അവസരവാദികളായ ഫൊക്കാനയിലെ ചിലരുടെ കാലുമാറ്റം.. എവിടെ പൊസിഷൻ കിട്ടുമോ അങ്ങോട്ട് എല്ലാ തത്വങ്ങളും ബലികഴിച്ച എടുത്തു ചാടും. എന്നിട്ട് ഞാൻ ഇത് ചെയ്തു അത് ചെയ്തു ഭയങ്കര സേവികയാണ് സേവകനാണ് എന്നു വിളിച്ചു കുകും. ഇത്തരക്കാരെ സമൂഹത്തിൽനിന്ന് തൂക്കി എറിയേണ്ട കാലം അതിക്രമിച്ചിരിക്കുകയാണ്. അതു മാതിരി തന്നെ പെട്ടെന്ന് ഒരു പണ ചാക്ക് ചന്ദ്രനിൽ എന്ന് എന്നപോലെ പൊട്ടിവീണ അധികാരം പിടിക്കാൻ ശ്രമിക്കും. അത്തരക്കാരെയും ഓടിക്കണം. തിരുമേനിമാരെയും സ്വാമിമാരുടെയും ഒക്കെ തലയിലേറ്റി കൊണ്ടുവരുന്നവരെയും പായിക്കണം. സത്യത്തിൽ ഇവിടെ ബുദ്ധിയും ബോധവും ഉള്ള നല്ല സാമൂഹ്യപ്രവർത്തകൻ ഇത്തരം ബഡായി ഉടായിപ്പ് സംഘടനകളിൽ നിന്ന് മാറിയാണ് നിൽക്കുന്നത്. അതുപോലെ കേരള ലോകസഭാംഗം, ഇന്ത്യൻഭരണഘടന അനുവദിക്കാത്ത ഒന്നാണ്. ഇതിൽ പൊങ്ങി ഒതളങ്ങ മാതിരി നിൽക്കുന്ന, കേരള ലോകസഭാ അംഗങ്ങളെയും കൂവണം. കേരളത്തിലെ പാവപ്പെട്ട നികുതി ദായകരുടെ പിച്ചച്ചട്ടിയിൽ കയ്യിട്ടു വാരുന്ന വരാണ് ഇവർ. ഫോക്കാനയിൽ അധികാരം വിട്ടുകൊടുക്കാതെ ഓരോ തസ്തികകളിൽ മാറിമാറി കുത്തിയിരിക്കുന്നവർ കുറച്ചുപേരുണ്ട്. ഏത് സംഘടനയിൽ ആണെങ്കിലും ഇത്തരക്കാർ ദയവായി ഒന്നു മാറി കൊടുത്താൽ നമ്മുടെ സംഘടനകൾ പിന്നീട് കൂടുതൽ ശക്തമാകും. ഇത് നോക്കൂ ഇപ്പോൾ ഇവിടെ പ്രസിഡൻറ് ആകാൻ നോമിനേഷൻ കൊടുത്തിരിക്കുന്ന ചിലരുടെ നീണ്ട നീണ്ട അവകാശവാദങ്ങൾ. അവർ പറയുന്ന പോകാനായിൽ ഇന്ന വർഷം മുതൽ ഇന്ന വർഷം ഒത്തിരി ഒത്തിരി തസ്തികകളിൽ മാറിമാറി സേവനമനുഷ്ഠിച്ചു എന്ന്. എന്നാൽ ഒന്ന് ചോദിക്കട്ടെ? സേവിച്ചതിന് നന്ദി. ഇനിയെങ്കിലും ഒന്നു മത്സരിക്കാതെ മാറി കൊടുത്തുകൂടേ? എന്തിനു പലതരത്തിലുള്ള ഗ്രൂപ്പ് കളിച്ച മാറി കാലു മാറി, അവസരം മാതിരി, യുക്തിയില്ലാത്ത ഉത്തരവും പറഞ്ഞു യാതൊരു നീതിയും ഇല്ലാത്ത രീതിയിൽ ഇതിൽ ചുമ്മാ പോയി മത്സരിക്കുന്നു. ഇത്തരക്കാർ സാമൂഹ്യ സേവനത്തിൽ നിന്ന് വിട്ടുനിൽക്കുന്നത് ആകും നല്ലത്. നാട്ടിലേ കെ വി തോമസ് പഠിക്കുന്നവരും കളിക്കുന്നവരും ഇവിടെ ധാരാളമുണ്ട്. വ്യാജ ഇലക്ഷൻ നടത്തി അധികാരം പിടിച്ചവർക്കെതിരെ കേസ് കൊടുത്തവർ, ദാ കിടക്കുന്നു, കാലുമാറി വാക്ക് മാറി അവിടെ അധികാരം കൊടുക്കാം എന്ന് പറഞ്ഞപ്പോൾ അങ്ങോട്ടു ചാടി. ഇതൊക്കെ, ഇവരൊക്കെ ചെയ്യുന്നത് എന്താണ് അഴിമതിക്കാരായ മന്ത്രിമാരുടെ ഒക്കെ കൂടെ നിന്ന് ഫോട്ടോ എടുക്കുക, അതും പലതും ചെയ്യുന്നത് പബ്ലിക്കിൽ നിന്ന് കിട്ടുന്ന സ്പോൺസർ മണി ഉപയോഗിച്ചാണ് എന്നോർക്കണം. ശരിയായ ഫൊക്കാനാ ആണ് ഒറിജിനൽ ഫൊക്കാനാ ആണെന്നും പറഞ്ഞു മറ്റൊരു കൂട്ടർ എന്തുചെയ്യാം അവർക്ക് അല്പം ശക്തിയും പണവും ഇല്ലാത്തതുകൊണ്ട് അവരിൽ പലരും മാളത്തിൽ ആണ്. അവർക്ക് ശക്തി ഉണ്ടെന്ന് തെളിയിച്ചാൽ പഴയ അധികാര കസേര മോഹികൾ എല്ലാം വീണ്ടും ഇങ്ങോട്ട് എടുത്തു ചാടി എന്ന് ഇരിക്കാം. രണ്ടു ഫൊക്കാനായിലേക്കും, ഫോമാലേക്ക് വേൾഡ് മലയാളിയിലേക്ക് ഇപ്പോൾ സാമാന്യം ബുദ്ധിയും ബോധവും വിവേകവും ഉള്ള മലയാളികൾ ഭാരവാഹികളായി വരുന്നില്ല. നാട്ടിലെ സിനിമാതാരങ്ങളെ മണത്തു നടക്കുന്ന, വനിതാ ഫോറങ്ങളുടെ പിറകെ ഒക്കെ ഏന്തി വലിഞ്ഞു നടക്കുന്ന ഫോമാ പ്രാഞ്ചി കുട്ടപ്പൻ മാരെയും ശ്രദ്ധിക്കണം. അധികാരമോഹികളായ പ്രാഞ്ചികളുടെ ദെൻമാർക്കിൽ എന്തോ ചീഞ്ഞുനാറുന്നുണ്ട്. മതതീവ്രവാദികൾ കൊണ്ട് നമ്മുടെ സംഘടനകൾ ആകെ കലുഷിതമാണ്. എന്നിട്ട് ഇതിനിടയിൽ ഒരു കേസും വയ്യാവേലി നടക്കുകയാണ്. ഇവിടെയും ഓരോ ആംആദ്മിയുടെ ചൂല് വരണം. ഇത്തരം അവസരവാദികളെ അടിച്ചു തുരത്തണം. ചിലർ മതി വരാതെ എല്ലാ അസോസിയേഷനുകളിൽ പോയി തലയിടും. എവിടെയും പോയി സ്റ്റേജിൽ കുത്തി ഇരിക്കണം. തലയിൽ തൊപ്പിയും അതും തോളിൽ ഷാളുംഇട്ട്താളമിട്ടു പച്ച ചിരിയുമായി സ്റ്റേജിൽ പോയി കുത്തി ഇരിക്കണം രണ്ട് വാക്ക് പറയണം. കഷ്ടം. പെട്ടെന്ന് എവിടെ നിന്നോ കോട്ടും സൂട്ടും ഇട്ടു പൂത്ത കാശുമായി ചാടി വരുന്ന ചില വമ്പൻമാരെയും ആം ആദ്മിയുടെ ചൂലെടുത്ത് അടിച്ചോടിക്കണം . മാത്തുക്കുട്ടി ഇല്ലിമുളംകാട്
Somman 2022-06-13 17:51:25
Who is this Guy? :(
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക