Image

അഞ്ചാം വരവില്‍ നെറ്റ്ഫ്ളിക്സില്‍ തിളങ്ങി സേതുരാമയ്യര്‍

ജോബിന്‍സ്‌ Published on 23 June, 2022
അഞ്ചാം വരവില്‍ നെറ്റ്ഫ്ളിക്സില്‍ തിളങ്ങി സേതുരാമയ്യര്‍

നെറ്റ്ഫ്ലിക്സിന്റെ ടോപ് ടെന്നില്‍ രണ്ടാം ആഴ്ചയും ഇടം പിടിച്ച് 'സിബിഐ 5: ദി ബ്രെയിന്‍'. ടോപ് ടെന്‍ ഇന്ത്യ ലിസ്റ്റില്‍ അഞ്ചാം സ്ഥാനത്താണ് ചിത്രമുള്ളത്. മെയ് ഒന്നിന് തിയേറ്റര്‍ റിലീസായി എത്തിയ ചിത്രം ജൂണ്‍ പന്ത്രണ്ടിനാണ് നെറ്റ്ഫ്ലിക്സില്‍ സ്ട്രീമിങ് തുടങ്ങിയത്. .'ഭൂല്‍ ബുലയ്യ 2' ആണ് ഒന്നാമത് . 'ഷീ', സ്ട്രേഞ്ചര്‍ തിങ്സ്' എന്നീ ജനപ്രിയ സീരീസുകള്‍ രണ്ടും മൂന്നും സ്ഥാനത്തും, 'സ്പൈഡര്‍ മാന്‍ നോ വേ ഹോം' സിബിഐ5 ന് മുകളിലായി നാലാം സ്ഥാനത്തുമാണ്. 'ഡോണ്‍', 'ആര്‍ആര്‍ആര്‍' എന്നീ ഇന്ത്യന്‍ ചിത്രങ്ങളും ടോപ് ടെന്‍ ലിസ്റ്റില്‍ ഉണ്ട്.

മലയാള സിനിമ ഈ വര്‍ഷം കാത്തിരുന്ന പ്രധാന റിലീസുകളില്‍ ഒന്നായിരുന്നു സിബിഐ പരമ്പരയിലെ അഞ്ചാം ചിത്രമായ 'സിബിഐ 5 ദി ബ്രെയിന്‍' . തിയേറ്റര്‍ റിലീസില്‍ സമ്മിശ്രാഭിപ്രായങ്ങളാണ് ചിത്രത്തെക്കുറിച്ച് സോഷ്യല്‍ മീഡിയയില്‍ പ്രചരിച്ചത്.

1988ല്‍ പുറത്തിറങ്ങിയ 'ഒരു സിബിഐ ഡയറികുറിപ്പ്' എന്ന ചിത്രത്തിലൂടെയാണ് സിബിഐ സീരീസ് ആരംഭിച്ചത്. തുടര്‍ന്ന് 'ജാഗ്രത', 'സേതുരാമയ്യര്‍ സിബിഐ', 'നേരറിയാന്‍ സിബിഐ' എന്നീ സിനിമകളും ഈ ഫ്രാഞ്ചൈസി പുറത്തിറങ്ങി. സേതുരാമയ്യര്‍ എന്ന സിബിഐ ഉദ്യോഗസ്ഥനും അദ്ദേഹം അന്വേഷിക്കുന്ന കേസുകളുമാണ് സിനിമകളുടെ പ്രമേയം.

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക