പ്രപഞ്ചോല്‍പത്തി തേടുന്ന ജെയിംസ് വെബ്ബ് (ലേഖനം: സാം നിലമ്പളളില്‍)

Published on 29 July, 2022
പ്രപഞ്ചോല്‍പത്തി തേടുന്ന ജെയിംസ് വെബ്ബ് (ലേഖനം: സാം നിലമ്പളളില്‍)

പ്രപഞ്ചരഹസ്യങ്ങള്‍ മനസിലാക്കാന്‍ നാസ വിക്ഷേപിച്ച ജെയിംസ് വെബ്  കാട്ടിത്തരുന്ന വിദൂര ഗ്രഹങ്ങളും ഗാലാക്‌സികളും കണ്ട് അത്ഭുതപ്പെട്ടിരിക്കയാണ് ലോകം. നാം ഇപ്പോള്‍ കാണുന്ന ഗ്രഹങ്ങളും സൗരയൂധങ്ങളും കോടാനുകോടി വര്‍ഷങ്ങള്‍ക്ക് മുന്‍പ് നിലനിന്നിരുന്നതാണന്നും ഇപ്പോളതെല്ലാം മരിച്ചുപോയെന്നുമാണ് ശാസ്ത്രജ്ഞന്മാര്‍ പറയുന്നത്. തന്നെയുമല്ല അതെല്ലാം അനേകം പ്രകാശവര്‍ഷങ്ങള്‍ക്ക് അകലെയാണ്. ഒരു പ്രകാശവര്‍ഷം  എന്നുപറയുന്നത് ആറു  മില്ല്യണ്‍ മൈലുകള്‍., മനുഷ്യന് ഒരിക്കലും എത്തിപ്പെടാന്‍ സാധിക്കാത്രത്ത ദൂരം.

നമ്മുടെ സൂര്യനെപ്പോലെയുള്ള ആയിരക്കണക്കിന് സൂര്യന്മാര്‍ പ്രപഞ്ചത്തില്‍ ഉണ്ട്. അവക്കുചുറ്റും പ്രദക്ഷണം ചെയ്യുന്ന ഗ്രഹങ്ങളും. അവിടെ ഏതെങ്കിലുമൊന്നില്‍ മനുഷ്യനെപ്പോലെയോ അല്ലാതെയോഉള്ള ജീവജാലങ്ങള്‍ ഉണ്ടാകാനുള്ള സാധ്യതയും തള്ളിക്കളയുന്നില്ല. പ്രോക്‌സിമ സെന്റോറി B (Proxima Centauri-B)  എന്നഗ്രഹം ഭൂമിയെപ്പോലുള്ളതാണെന്നും അവിടെ വെള്ളവും ഓക്‌സിജനും ഉണ്ടെന്നും അതുകൊണ്ട് ജീവജാലങ്ങള്‍ ഉണ്ടാകാനുള്ള സാധ്യതയുണ്ടെന്നും ശാസ്ത്രജ്ഞന്മാര്‍ പറയുന്നു. 

അവര്‍ വിശദീകരിക്കുന്നതെല്ലാം സാധാരണക്കാരായ നമുക്ക് മനസിലാകണമെന്നില്ല. എന്നാല്‍ ശ്രദ്ധിച്ച് കേട്ടുകൊണ്ടിരുന്നാല്‍ പ്രപഞ്ചത്തെപറ്റി കുറെയൊക്കെ അറിയാന്‍ നമുക്കും സാധിക്കും. ഇതെല്ലാം കാണുകയും കേള്‍ക്കുകയും ചെയ്യുമ്പോള്‍, വിശ്വാസങ്ങള്‍ തകര്‍ക്കപ്പെടുമ്പോള്‍, നിങ്ങള്‍ക്കും എനിക്കും എന്താണ് തോന്നുക?

(കൂടുതല്‍ ചിന്തിച്ചാല്‍ മനുഷ്യന് ഭ്രന്തുപിടിക്കില്ലേ? അങ്ങനെ ചിന്തിച്ച് ഭ്രാന്താകാതിരിക്കാനാണ് മതങ്ങള്‍ ദൈവങ്ങളെ അവതിപ്പിച്ചത്. സൂര്യനും ചന്ദ്രനും നക്ഷത്രങ്ങളും ഭൂമിയും അതിലെ ജീവജാലങ്ങളുമെല്ലാം ദൈവസൃഷ്ടിയാണ്. ഭൂമി പരന്നതാണെന്നാണ് മതങ്ങള്‍ പഠിപ്പിച്ചത്. സൂര്യന്‍ ഭൂമിയെ ചുറ്റിക്കൊണ്ടിരിക്കുന്നു. ഭൂമി ഉരുണ്ടതാണെന്നും അത് സൂര്യനെയാണ് വലംവച്ചുകൊണ്ടിരിക്കുന്നതെന്നും ഗലീലിയോ എന്ന ആദ്യകാല ശാസ്ത്രജ്ഞനാണ് കണ്ടുപിടിച്ചത്. അതുപറഞ്ഞതിന്റെപേരില്‍ പാവത്തിനെ ജയിലില്‍ അടക്കാനാണ് മതനേതാക്കള്‍ കല്‍പിച്ചത്. ദൈവനിന്ദയുടെ പേരില്‍. 

മുഹമ്മദ് നബിയും അങ്ങനെ പറഞ്ഞിട്ടുണ്ട് എന്ന് നൂപുർ   ശര്‍മ്മ പറഞ്ഞതിന്റെ പേരിലാണല്ലൊ ഇസ്‌ളാമിക തീവ്രവാദികള്‍ അവരെ വേട്ടയാടുന്നത്. നബിയേയും ക്രിസ്ത്യന്‍ പുരോഹിതന്മാരെയും കുറ്റംപറയേണ്ടതില്ല . കാരണം ശാസ്ത്രം പുരോഗമിച്ചിട്ടില്ലാത്ത അജ്ഞതയുയുടെ ഇരുണ്ടലോകത്തിലായിരുന്നു അവരെല്ലാം ജീവിച്ചിരുന്നത്. പക്ഷേ, ഇരുപത്തിയൊന്നാം നൂറ്റാണ്ടിലും, ആറാംനൂറ്റാണ്ടിലെ വിശ്വാസങ്ങള്‍ വച്ചുപുലര്‍ത്തുന്നവരോട് സഹതപിക്കാനെ കഴിയു.)

മനുഷ്യന്‍ പുരോഗതിയുടെയും വിജ്ഞാനത്തിന്റെയും ശ്രീകോവിലിലേക്ക് കാലെടുത്തു  വച്ചിട്ട് ഒരുനൂറ്റാണ്ടേ ആയിട്ടുള്ളു. ഈയൊരു നൂറുവര്‍ഷങ്ങള്‍കൊണ്ട് അവന്‍ പ്രപഞ്ചത്തെപറ്റി ഇത്രയൊക്കെ പഠിച്ചു. ചന്ദ്രനില്‍ കാലകുത്തി. ചൊവ്വയിലേക്ക് പേടകങ്ങളയച്ചു. നമ്മുടെ സൗരയുധത്തിലെ ഗ്രഹങ്ങളെപറ്റി വളരെയധികം കാര്യങ്ങള്‍ മനസിലാക്കി. സൗരയുധത്തിന് വെളിയിലുള്ള ഗാലക്‌സികളെപറ്റി പഠിച്ചുകൊണ്ടിരിക്കുന്നു. ഇനിയൊരു നൂറുവര്‍ഷങ്ങള്‍കൂടി കഴിഞ്ഞാല്‍ അവന്‍ പ്രകാശവേഗത്തില്‍ സഞ്ചരിക്കില്ലെന്ന് ആരുകണ്ടു.

സോവ്യറ്റ് യൂണിയനായിരുന്നു ആദ്യമായി ഒരു റോക്കറ്റ് ശൂന്യാകാശത്തിലേക്ക് വിട്ടത്.  ഒരു സ്പുട്‌നിക്ക്. പിന്നെയവര്‍ ഒരു നായയെ അയച്ചു. ലെയ്ക എന്ന നായയെ വീണ്ടെടുക്കാന്‍ അവര്‍ക്കായില്ല. അതിന്റെപേരില്‍ മൃഗസ്‌നേഹികള്‍ റഷ്യയെ ആക്ഷേപിച്ചെങ്കിലും അവരത് കാര്യമാക്കിയില്ല. മനുഷ്യനെ കൊന്നുകൊണ്ടിരിക്കുമ്പോളാണോ ഒരു പട്ടി ചത്തതിന്റെപേരില്‍ കരയുന്നത്?

സോവ്യറ്റ് റഷ്യയുമായി മത്സരരംഗത്തുണ്ടായിരുന്ന അമേരിക്കയും വളരെതാമസിയാതെ ശൂന്യാകാശത്തെപറ്റി പഠനങ്ങള്‍ ആരംഭിക്കുകയും ചന്ദ്രനില്‍ ആളുകളെ എത്തിക്കുകയും ചെയ്തു. അങ്ങനെ റഷ്യയെ കടത്തിവെട്ടാന്‍ അമേരിക്കക്ക് സാധ്യമായി. അവര്‍ സ്‌പേസില്‍ സ്റ്റേഷനുകള്‍ സ്ഥാപിച്ചു, അവസാനം ജെയിംസ്വെബ്ബെന്ന ടെലിസ്‌കോപ്പും സ്ഥാപിച്ച് പ്രപഞ്ചത്തിന്റെ അത്ഭുതങ്ങള്‍ ലോകത്തെ കാണിച്ചുകൊണ്ടിരിക്കുന്നു.

ഇതെല്ലാം കാണുകയും കേള്‍ക്കുകയും ചെയ്യുമ്പോള്‍ ചിന്തിക്കുന്ന സാധാരണക്കാര്‍ സ്തംഭിച്ചിരിക്കയാണ്. ഇതിന്റെപിന്നില്‍ ഒരുശക്തിയുണ്ടോ. ചിലരതിനെ ദൈവമെന്ന് വിളിക്കുന്നു. ശാസ്ത്രജ്ഞന്മാര്‍ പറയുന്നത് പല തിയറികളാണ്. ചിലര്‍ പറയുന്നത് പൊടിപടലങ്ങളില്‍നിന്ന് നക്ഷത്രങ്ങളും ഗ്രഹങ്ങളും ഉണ്ടായെന്നാണ്. എന്നാല്‍ പൊടിപടലങ്ങള്‍ എങ്ങനെയുണ്ടായി? അതിന്റെ ഒറിജിന്‍ എവിടെനിന്നാണ്? ഇതിന് യുക്തിവാദികള്‍ക്ക് മറുപടിയില്ല. മറ്റൊരു തിയറി ഒരു സൂപ്പര്‍നോവ പൊട്ടിച്ചിതറി ഇന്നത്തെ പ്രപഞ്ചം ഉണ്ടൊയെന്നാണ്. സൂപ്പര്‍നോവയും തനിയെ ഉണ്ടായതല്ലല്ലൊ. അപ്പോള്‍ ഇതിനൊരു സൃഷടികര്‍ത്താവ് കാണുമല്ലൊ. ചിലരതിനെ ദൈവമെന്ന് വിളക്കുന്നു. അതാരാണെന്ന് നമുക്കറിയില്ല. ബ്രഹ്മാവാണോ, യഹോവയാണോ, അള്ളാഹു ആണോ? ആയിരിക്കാം, അല്ലായിരിക്കാം. പക്ഷേ, ഇതിന്റെയെല്ലാം പിന്നില്‍ ഒരുശക്തിയുണ്ടെന്ന് ഞാന്‍ വിശ്വസിക്കുന്നു. ശൂന്യതയില്‍നിന്ന് ഒന്നും ഉണ്ടാകില്ല.

പത്താംക്‌ളാസ്സിലെ പരീക്ഷയില്‍ ഫിസിക്‌സിന് ജയിക്കാനുള്ള മാര്‍ക്ക് കഷ്ടിച്ചുനേടിയ എനിക്ക് ഇതില്‍കൂടുതലൊന്നും പറയാനില്ല.

Santhosh Pillai 2022-07-29 22:55:58
ശാസ്ത്രം അവസാനിക്കുന്നേടത്ത് നിന്നും തത്വശാസ്ത്രം തുടങ്ങുന്നു. ശാസ്ത്രം കൂടുതൽ കൂടുതൽ പുരോഗമിക്കുമ്പോൾ അന്ധവിശ്വാസങ്ങൾ കുറഞ്ഞു കുറഞ്ഞു വരും. ഇനിയുള്ള നാളുകളിൽ ഇതാണ് സംഭവിക്കുക. താങ്കളുടെ ലേഖനം മനോഹരം. തുടർന്നും പ്രതീക്ഷിക്കുന്നു.
G. Puthenkurish 2022-07-30 00:26:46
ശാസ്ത്രം ഒരു ദൈവങ്ങളുമായി യുദ്ധത്തിലാണെന്ന് എനിക്ക് തോന്നുന്നില്ല. ദൈവം ഉണ്ടോ ഇല്ലയോ എന്നത് ശാസ്ത്രത്തിന്റ വലിയ ഒരു വിഷയമാണെന്നും ഞാൻ വിശ്വസിക്കുന്നില്ല . എന്നാൽ ശാസ്ത്രം ഈ പ്രപഞ്ചന്റെ നിഗൂഢതകളിലേക്ക് ഇറങ്ങി ചെന്ന്, അതിന്റെ സൗന്ദര്യത്തെ അനാവരണം ചെയ്യുന്നതോടൊപ്പം, മനുഷ്യ ജിവിതത്തെ ഉല്കൃഷ്ടമാക്കാനും ശ്രമിക്കുന്നു എന്നത് ഒരു സത്യമാണ് . ബ്രയൻ ഗ്രീനിന്റ എലഗന്റ് യൂണിവേഴ്സും, ഡോക്ടർ ഫ്രാൻസിസ് എസ് കോളിൻസിന്റെ ദി ലാംഗ്വേജ് ഓഫ് ഗോഡ്, ടോണി റോത്തമനും ജോർജ്ജ് സുദര്ശനും എഴുതിയ ഡൌട്ട് ആൻഡ് സെർട്ടിനിറ്റി എന്ന പുസ്തകങ്ങളും എല്ലാം ഈ വിശ്വ പ്രകൃതിയുടെ സൗന്ദര്യത്തിൽ ആകൃഷ്ടരായി എഴുതിയവയാണ്. ഇവരെല്ലാം പ്രശസ്തരായ ശാസ്ത്രജ്ഞമാരും ആയിരുന്നു. ഏർനെസ്റ് വാൾട്ടൻ പറഞ്ഞതുപോലെ 'ദൈവത്തിന്റ മനസ് അറിയാനുള്ള ഏകമാർഗ്ഗം സൃഷ്ടിയെ അനാവരണം ചെയ്തു പഠിക്കുക എന്നതാണ് . അത് ചെയ്യാതെ എല്ലാം ദൈവത്തിൽ അർപ്പിച്ചു ജീവിക്കുന്നത് നമ്മൾക്കു ഇതിനൊക്ക കഴിവ് തന്ന ദൈവത്തെ അധിക്ഷേപിക്കുന്നതിന് തുല്യമാണ് " - ഇന്ന് ലോകത്തിലെ ഒരു നല്ല ശതമാനവും തനിക്ക് കിട്ടിയിരിക്കുന്ന താലന്തുകൾ കുഴിച്ചു മൂടിയിട്ട് സ്വർഗ്ഗത്തിലേക്ക് നോക്കി ഇരിക്കുന്നവരാണ്. ഫാരഡെ എന്ന ശാസ്ത്രജ്ഞൻ വെറുമൊരു ബുക്ക് ബൈൻഡർ ആയിരുന്നു. അദ്ദേഹം ശാസ്ത്രത്തിനു നൽികിയ സംഭാവന വചാതിതമാണ്. അറിയാനുള്ള ജിജ്ഞാസയാണ് ചിലപ്പോൾ വിദ്യാഭ്യാസത്തെക്കാൾ ആവശ്യം. നല്ല ഒരു ലേഖനം . അഭിനന്ദനം .
Anthappan 2022-07-30 03:20:37
The recipe for perpetual ignorance is, be satisfied with your opinions and content with your knowledge.” – Elbert Hubbard. Religion keeps people in darkness and science shine light on it. But unfortunately, many people satisfied with their opinion and content with their knowledge. The more we understand the beauty of creation the lesser the god we created become. Good article
Fact & Truth 2022-07-30 13:04:58
Science is the statement of facts. Science should not be interpreted according to your beliefs. if your knowledge of Science is limited, please don't write articles about Science topics. For eg: ''ആയിരക്കണക്കിന് സൂര്യന്മാര്‍ പ്രപഞ്ചത്തില്‍ ഉണ്ട്.'' Fact: There are billions and billions of Sun-like Stars in the known Cosmos. False information like fox news can only reduce the number of readers.
Anthappan 2022-07-30 15:17:17
We need more science articles, and it will light up darkness and bring 'Facts & truth' out of it.
Benjamin Franklin 2022-07-30 17:01:20
ഇവന് ലൈറ്റ് അടിച്ചാൽ ശരിയാകില്ല അന്തപ്പൻ ചേട്ടാ കറന്റ് അടിക്കണം അപ്പഴേ വെളിപാട് ഉണ്ടാകുള്ളൂ
CID Moosa 2022-07-30 17:14:22
പണ്ട് ഇദ്ദേഹം കണ്ടുകൊണ്ടിരുന്നത് ഫോക്സ് ന്യുസ് ആയിരുന്നു . ഇപ്പോൾ സയൻസ് ചാനൽ കാണാൻ തുടങ്ങി അതുകൊണ്ടാണ് സയൻസിനെ കുറിച്ച് എഴുതാൻ തുടങ്ങിയത് - പരാമാർത്ഥ സത്യമേ
വാസു കണിയാർ 2022-07-30 17:30:04
ഗുളികൻ വ്യാഴത്തിൽ നിന്ന് കറങ്ങുന്നതുകൊണ്ട് ട്രംപിന് ശനി ദശയാണ് . അടുത്തു നിൽക്കുന്നവർക്കും ദോഷം . അകലാൻ ശ്രമിച്ചാലും ശാസ്ത്രത്തിന്റ പിന്നിൽ മറഞ്ഞാലും ചിലരെ ജനം കണ്ടുപിടിച്ച് ഓടിച്ചിട്ട് തല്ലും . ദോഷം മാറാൻ ബൈഡൻ പ്രസിഡണ്ടാണെന്ന് ഉറക്കെ പ്രഖ്യാപിച്ചു ഏത്ത ഇടണം. അൻപത് ഡോളർ അയച്ചു തന്നാൽ ഒരു മന്ത്ര ചരട് അയച്ചു തരാം . ഉച്ചക്ക് പന്ത്രണ്ട് മണിക്ക് എല്ലാവരെയും വിളിച്ചു വരുത്തി നഗ്നനായി നിന്ന് അരയിൽ കെട്ടണം . അപ്പോൾ എല്ലാം ശുഭമായി കലാശിക്കും
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക