ഫൊക്കാനയുടെ നിലവിലുള്ള കേസുകളുടെ നടത്തിപ്പിനും,മറ്റു നിയമപരമായ ആവശ്യങ്ങളുടെ ഏകീകരണ ചുമതലകള് നിര്വഹിക്കുന്നതിനുമായി മൂന്നംഗ നിയ്മകാര്യ സമിതിയെ ഫൊക്കാന ബോര്ഡ് ഓഫ് ട്രസ്റ്റി യോഗം ചുമലപ്പെടുത്തി. ഫൊക്കാന മുന് ബോര്ഡ് ഓഫ് ട്രസ്റ്റി ചെയര്മാന് ഫിലിപ്പോസ് ഫിലിപ്പ് ചെയര്മാനും, ട്രസ്റ്റി ബോര്ഡ് ചെയര്മാന് സജി എം പോത്തന്,മുന് പ്രസിഡണ്ട് ജോര്ജി വര്ഗീസ് എന്നിവര് അംഗങ്ങളുമായസമിതിയാണ് നിലവില് വന്നതു്.
കഴിഞ്ഞ രണ്ടു വര്ഷങ്ങളില് ഫൊക്കാന നേരിട്ട കേസുകളില് സമര്ഥമായ നേതൃത്വം നല്കിയ സീനിയര് നേതാക്കളുടെ അതേ സംഘം തന്നെ തുടര്ന്നും നിയമകാര്യ സമിതിയില് തുടരുന്നത് അഭികാമ്യമായിരിക്കുമെന്ന് ട്രസ്റ്റി ബോര്ഡ് യോഗത്തില് പങ്കെടുത്ത പ്രസിഡന്റ് ബാബു സ്റ്റീഫന്, സെക്രട്ടറി കല ഷാഹി, മുന് പ്രസിഡന്റുമാരായ പോള് കറുകപ്പള്ളില്, മാധവന് ബി നായര് എന്നിവര് അഭിപ്രായപ്പെട്ടു.