ഓടറാ പിള്ളേരെ..
കുരിപ്പുകളേ...
പൂന്തോട്ടത്തിൽ നിന്നും പൂക്കൾ പറിച്ചെടുക്കുന്ന പിള്ളേരെ
അവൾ വിരട്ടിയോടിച്ചു.
പിന്നെ ഓരോ ചെടിയിലേയും പൂക്കളെ
മാറോട് ചേർത്ത് ഉമ്മവച്ചു
എന്തിനാടി പെണ്ണേ ആ പിള്ളേരെ വിരട്ടി ഓടിച്ചതെന്ന്
അമ്മയും
ഓണമൊക്കെയല്ലേ പൂക്കളമിടാനാവും
കിടാങ്ങള് പൂക്കൾ പൊട്ടിച്ചതെന്ന് മുത്തശ്ശിയും .
ഓമനിച്ച് വളർത്തിയ ചെടികളിൽ നിന്നും
ഒരു പൂവ് പോലും
ആരും പൊട്ടിക്കുന്നത് ഇഷ്ടമല്ലായെന്ന് അവൾ ,
കൊഴിഞ്ഞു പോകും മുൻപ് ആരെങ്കിലും പൂക്കൾ നുള്ളിയെടുത്താലെന്താ കുഴപ്പമെന്ന് അച്ഛൻ.
നമുക്കും പൂക്കളമിടാൻ
പൂക്കൾ വേണ്ടതല്ലേ ചേച്ചിയെന്ന് അനുജൻ .
"ഇവിടെ ആരും അങ്ങനെ
പൂക്കളമിട്ട് ഓണം ആഘോഷിക്കേണ്ട .. "
ഓരോ ചെടിയും പിഴുതെറിഞ്ഞ്
അവൾ
പൊട്ടിക്കരഞ്ഞുക്കൊണ്ട് അകത്തേക്കോടി . !
ആരൊക്കെയോ പറയുന്നത് കേട്ടു
അവൾക്ക് ലൂസാന്ന് ..
സത്യാണോ എന്തോ : !!
POLY PAAYAMMAL - LOOSE - POEM