MediaAppUSA

ജെറി തൈലയില്‍ സ്മാരക ഫുട്‌ബോളിലൂടെ സമാഹരിച്ച തുക കാന്‍സര്‍ രോഗികളിലേക്ക്

Published on 01 November, 2022
 ജെറി തൈലയില്‍ സ്മാരക ഫുട്‌ബോളിലൂടെ സമാഹരിച്ച തുക കാന്‍സര്‍ രോഗികളിലേക്ക്

 


വിയന്ന: ഓസ്ട്രിയയില്‍ അന്തരിച്ച ജെറി തൈലയിലിന്റെ സ്മരണാര്‍ത്ഥം എഫ്.സി കേരള ഓപ്പണ്‍എയര്‍ ടൂര്‍ണമെന്റിലൂടെ സംഘടിപ്പിച്ച തുക ജീവകാരുണ്യ മേഖലയില്‍ പ്രവര്‍ത്തിക്കുന്ന സെന്റ് അല്‍ഫോന്‍സാമ്മ മിഷനു കൈമാറി.

മത്സരങ്ങളിലൂടെ സമാഹരിച്ച 2660 യൂറോ സെന്റ് അല്‍ഫോന്‍സാമ്മ മിഷനിലൂടെ കാന്‍സര്‍ ബാധിച്ച ഏതാനും രോഗികള്‍ക്ക് കൈമാറും. ഈ ഉദ്യമത്തില്‍ സഹായിച്ച എല്ലാ വിയന്ന മലയാളികള്‍ക്കും സംഘാടകര്‍ നന്ദി അറിയിച്ചു.

റാഫി ഇല്ലിക്കല്‍, ജോബി തട്ടില്‍, റോബിന്‍സ് ചെന്നിത്തല, ജോര്‍ജ് ഞൊണ്ടിമാക്കല്‍, മാത്യു കുറിഞ്ഞിമല, വില്‍സണ്‍ കള്ളിക്കാടന്‍ എന്നിവരാണ് ടൂര്‍ണമെന്റിനു നേതൃത്വം നല്‍കിയത്. ജാനിസ് തൈലയില്‍ നന്ദി പറഞ്ഞു.

ജോബി ആന്റണി

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക