Image

ബോളിവുഡിനെ രക്ഷിക്കാന്‍ മൂന്നോ നാലോ ദൃശ്യം വേണ്ടി വരുമെന്ന് അജയ് ദേവ്ഗണ്‍

ജോബിന്‍സ് Published on 24 November, 2022
ബോളിവുഡിനെ രക്ഷിക്കാന്‍ മൂന്നോ നാലോ ദൃശ്യം വേണ്ടി വരുമെന്ന് അജയ് ദേവ്ഗണ്‍

ബോളിവുഡിനെ മാന്ദ്യത്തില്‍ നിന്നും രക്ഷിക്കാന്‍ മൂന്നോ നാലോ 'ദൃശ്യം' വേണ്ടി വരുമെന്ന് അജയ് ദേവ്ഗണ്‍. 'ദൃശ്യം 2'വിന്റെ റീമേക്ക് ബോക്സോഫീസില്‍ ഹിറ്റ് ആയി പ്രദര്‍ശനം തുടരുന്ന സാഹചര്യത്തിലാണ് താരത്തിന്റെ വാക്കുകള്‍. ബോളിവുഡില്‍ സൂപ്പര്‍താര ചിത്രങ്ങള്‍ വരെ പരാജയമാകുമ്പോഴാണ് ദൃശ്യം 2 വിജയം നേടുന്നത്.

ബോളിവുഡ് ബോക്സോഫീസിനെ മാന്ദ്യത്തില്‍ നിന്ന് രക്ഷിക്കാന്‍ മൂന്നോ നാലോ ദൃശ്യം വേണ്ടി വരും. ഇതൊരു തുടക്കമാണ്. എല്ലാത്തിന്റെയും അടിസ്ഥാനം എന്റര്‍ടൈന്‍മെന്റാണ്. എന്തു തരത്തിലുള്ള സിനിമയായാലും അതിനെ ആസ്വദിക്കാന്‍ പ്രേക്ഷകര്‍ക്ക് കഴിയണം.

എന്നാല്‍ വിനോദ സിനിമകള്‍ നിര്‍മ്മിക്കുന്നത് ഒരു തരത്തിലും എളുപ്പമുള്ള കാര്യമല്ല. രണ്ടര മണിക്കൂറോളം പ്രേക്ഷകരെ പിടിച്ചിരുത്തുക എന്നത് ഒട്ടും എളുപ്പമല്ല. ഇന്നത്തെ പ്രേക്ഷകര്‍ക്ക് സിനിമയില്‍ എന്തെങ്കിലും വെറുതേ കൊടുത്താല്‍ മതിയാവില്ല. അവര്‍ അറിവുള്ളവരും സ്മാര്‍ട്ടുമാണ്. അതിനാല്‍ പുതുമയുള്ളതെന്തിങ്കിലും അവര്‍ നല്‍കേണ്ടതുണ്ട്.

വലിയ കാര്യങ്ങള്‍ നടപ്പിലാക്കുകയും ത്യാഗപൂര്‍ണമായ ജീവിതം നയിച്ചവരെ കുറിച്ചുള്ള സിനിമകള്‍ ചെയ്യണം. ആരാലും അറിയപ്പെടാത്ത അത്തരം കഥാപാത്രങ്ങള്‍ ചെയ്യണമെന്നുണ്ട്. അത്തരത്തിലുളള ചില കഥകളുടെ ജോലിയിലാണ് ഇപ്പോള്‍ എന്നാണ് അജയ് ദേവ്ഗണ്‍ പറയുന്നത്.

ajai devagon-Drisyam 2- bollywood

Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക