MediaAppUSA

100 കോടിയും കടന്ന് ബോളിവുഡ് ദൃശ്യം 

ജോബിന്‍സ് Published on 25 November, 2022
100 കോടിയും കടന്ന് ബോളിവുഡ് ദൃശ്യം 

അജയ് ദേവ്ഗണ്‍ നായകനായെത്തിയ ദൃശ്യം 2 ന്റെ ഹിന്ദി റീമേക്ക് ഇപ്പോള്‍ ബോളിവുഡിലെ വമ്പന്‍ ഹിറ്റുകളിലൊന്നായി മാറിയിരിക്കുകയാണ്. മലയാളത്തില്‍ മോഹന്‍ലാല്‍- ജീത്തു ജോസഫ് ടീമൊരുക്കിയ ദൃശ്യം സീരിസ് അതേ പേരിലാണ് ഹിന്ദിയിലേക്കും റീമേക് ചെയ്തിരിക്കുന്നത്. ദൃശ്യം ആദ്യ ഭാഗം ഹിന്ദിയിലൊരുക്കിയ നിഷികാന്ത് കാമത് അന്തരിച്ചു പോയതിനെ തുടര്‍ന്ന്, ദൃശ്യം 2 ഹിന്ദിയില്‍ ഒരുക്കിയത് അഭിഷേക് പഥക് ആണ്.

മോഹന്‍ലാല്‍, മീന എന്നിവര്‍ മലയാളത്തില്‍ അവതരിപ്പിച്ച വേഷം ഹിന്ദിയില്‍ ചെയ്തത് അജയ് ദേവ്ഗണ്‍- ശ്രീയ ശരണ്‍ ടീമാണ്. ഗംഭീര പ്രതികരണമാണ് ദൃശ്യം 2 ഹിന്ദി വേര്‍ഷന് ലഭിച്ചുകൊണ്ടിരിക്കുന്നത് ഇപ്പോളിതാ ബോക്സോഫീസിലും മികച്ച പ്രതികരണം നേടിയിരിക്കുകയാണ് ദൃശ്യം .

ആദ്യ ആറ് ദിനം കൊണ്ട് തന്നെ ഇന്ത്യയില്‍ നിന്ന് മാത്രം നൂറ് കോടിയോളം നെറ്റ് കളക്ഷന്‍ നേടിയ ഈ ചിത്രത്തിന്റെ ആദ്യ ആറ് ദിനത്തിലെ ഇന്ത്യ ഗ്രോസ് 115 കോടിയോളമാണ്. 22 കോടിയോളം ഓവര്‍സീസ് ഗ്രോസും നേടിയ ഈ ഹിന്ദി വേര്‍ഷന്‍ ഇത് വരെ ആകെ നേടിയ ഗ്രോസ് 135 കോടിയോളമാണ്.

DRISYAM AJAY DEVAGON

മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക