അബുദാബി: യുഎഇയിലെ അബുദാബിയില് വാഹനാപകടത്തില് മലയാളി ഉള്പ്പെടെ രണ്ടുപേര് മരിച്ചു. ആലപ്പുഴ നൂറനാട് സന ഭവനില് ഷാനി ഇബ്രാഹിമാണ് മരിച്ചത്. 49 വയസായിരുന്നു.
ദാസ് ഐലന്ഡില് ഇന്നലെ രാത്രിയാണ് അപകടം. ഷാനി ഓടിച്ചിരുന്ന പിക്ക് അപ് വാന് പൈപ്പ് ലൈനില് ഇടിക്കുകയായിരുന്നു. ഒപ്പമുണ്ടായിരുന്ന പാക്കിസ്ഥാന് പൗരനും മരിച്ചു. വാഹനത്തിലുണ്ടായിരുന്ന രണ്ട് പേര് ഗുരുതരപരുക്കുകളോടെ ആശുപത്രിയില് ചികില്സയിലാണ്.