മനസ്സിനേറ്റ
മാരകമായ മുറിവില് നിന്നും
പ്രണയം ഉരുകിയിറങ്ങിയപ്പോഴാണ്
അവളുടെ ജീവിതം
അവസാനിച്ചതെന്ന്
നിര്മ്മിത ബുദ്ധി കണ്ടുപിടിച്ചു.
എന്നാല്
മുറിവേല്പ്പിച്ചത്
ഏത് വാക്കായുധം കൊണ്ടാണെന്ന്
നിര്മ്മിത ബുദ്ധിയുടെ
പോസ്റ്റ്മോര്ട്ട റിപ്പോര്ട്ടിലും
കണ്ടെത്താനായില്ല.
ആയതിനാല്
ആ പ്രതിയെ
സംശയത്തിന്റെ ആനുകൂല്യത്തില്
വെറുതെ വിടുന്നതായി
ജനകീയ കോടതി
വിധി പ്രഖ്യാപിച്ചു.