കോഴിക്കോട് : മൂന്ന് മീറ്റ് റിക്കോഡോടെയാണ് കാലിക്കറ്റ് യൂണിവേഴ്സിറ്റി അത്ലറ്റില് മീറ്റിന്റെ രണ്ടാംദിവസം പിന്നിട്ടത്.
വോള്വാള്ട്ടില് തൃശൂര് വിമലകോളേജിലെ മെല്വി. ടി. മാനുവലും, 400 മീറ്റര് പുരുഷവിഭാഗം ഓട്ടമത്സരത്തില് ക്രൈസ്റ്റ് കോളേജിന്റെ അമല്രാജും വ്യക്തിഗത റെക്കോര്ഡിട്ടു. 400 മീറ്റര് റിലേ മത്സരത്തില് ക്രൈസ്റ്റ് കോളേജാണ് മീറ്റ് റിക്കോര്ഡിട്ടത്.
ഇരുപത്തൊന്നിന മത്സരങ്ങള് പൂര്ത്തിയായപ്പോള് ആണ്കുട്ടികളുടെ വിഭാഗത്തില് ക്രൈസ്റ്റ് കോളേജും പെണ്കുട്ടികളുടെ വിഭാഗത്തില് പാലക്കാട് മേഴ്സി കോളേജും മുന്നിട്ടുനില്ക്കുന്നു. മീറ്റിന് നാളെ കൊടിയിറങ്ങും.