വാര്‍ഷീക വരുമാനം 65,000 ഡോളറിനു താഴെയുള്ളവര്‍ക്ക് യു.റ്റി.ഓസ്റ്റിനില്‍ ട്യൂഷന്‍ ഫീസ് സൗജന്യം
പി.പി.ചെറിയാന്‍ Published on 18 July, 2019
ഡാളസ്: വാര്‍ഷീക വരുമാനം 65000 ഡോളറിനു താഴെയുള്ള കുടുംബങ്ങളിലെ കുട്ടികള്‍ക്ക് ട്യൂഷന്‍ ഫീസ് സൗജന്യം നല്‍കുമെന്ന് യു.റ്റി.ഓസ്റ്റിന്‍ അധികൃതര്‍ അറിയിച്ചു.
യൂണിവേഴ്‌സിറ്റി ഓഫ് ടെക്‌സസ് സിസ്റ്റം ബോര്‍ഡ് മെമ്പര്‍മാര്‍ ഐക്യകണ്‌ഠേനെയാണ് ഈ തീരുമാനം പ്രഖ്യാപിച്ചത്.
സംസ്ഥാന വിഹിതമായി യൂണിവേഴ്‌സിറ്റിക്കു ലഭിക്കുന്ന സാമ്പത്തിക സഹായത്തില്‍ നിന്നും 160 മില്യണ്‍ ഡോളറിന്റെ എന്‍ഡോവ്‌മെന്റ് രൂപീകരിച്ചു വിദ്യാഭ്യാസ സഹായം നല്‍കുവാനാണ് തീരുമാനം.
സാമ്പത്തിക ബുദ്ധിമുട്ടുകൊണ്ടു വിദ്യാഭ്യാസം തുടര്‍ന്നു കൊണ്ടുപോകുവാന്‍ കഴിയാത്തവരെ സഹായിക്കുക എന്നതാണ് ഈ എന്‍ഡോവ്‌മെന്റിലൂടെ ലക്ഷ്യമിടുന്നതെന്നും അധികൃതര്‍ പറഞ്ഞു.
യു.എസ്. സെന്‍സസ് ബ്യൂറോയുടെ കണക്കനുസരിച്ചു ടെക്‌സസിലെ ഒരു കുടുംബത്തിന്റെ ശരാശരി വാര്‍ഷീകവരുമാനം 59206 ഡോളറായിട്ടാണ് കണക്കാക്കിയിരിക്കുന്നത്.
2020 ഫോള്‍ മുതല്‍ നടപ്പാക്കുന്ന ഈ പദ്ധതിമൂലം 8600 അണ്ടര്‍ ഗ്രാജുവേറ്റ് വിദ്യാര്‍ത്ഥികള്‍ക്കാണ് ഇതിന്റെ ഗുണം ലഭിക്കുക. അമേരിക്കയിലെ പബ്ലിക്ക് സ്‌ക്കൂളുകളുടെ പട്ടികയില്‍ 15-ാം സ്ഥാനത്താണ് ഓസ്റ്റിന്‍ ക്യാമ്പസ്.
Facebook Comments
Leave A Reply
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്‍ത്തികരവുമായ പരാമര്‍ശങ്ങള്‍ പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര്‍ നിയമപ്രകാരം കുറ്റകരമാണ്. അഭിപ്രായങ്ങള്‍ എഴുതുന്നയാളുടേത് മാത്രമാണ്. ഇ-മലയാളിയുടേതല്ല
EMalayalee Available in MediaAppUSA
Copyright © 2024 emalayalee.com - All Rights Reserved.
Webmastered by MIPL, Web Hosting Calicut Kerala