കാലവര്ഷം ശക്തമായി തുടരുകയും ദുരന്തനിവാരണ അതോറിറ്റി റെഡ് അലര്ട്ട് പ്രഖ്യാപിക്കുകയും ചെയ്ത സാഹചര്യത്തില് കണ്ണൂര് ജില്ലയിലെ പ്രഫഷനല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും 22ന് (തിങ്കള് ) അവധിയായിരിക്കുമെന്നു ജില്ലാ കലക്ടര് അറിയിച്ചു. സര്വകലാശാല പരീക്ഷകള്ക്ക് മാറ്റമുണ്ടാകില്ല.
കോട്ടയം ജില്ലയില് കോട്ടയം നഗരസഭയിലേയും, ആര്പ്പൂക്കര, അയ്മനം, തിരുവാര്പ്പ്, കുമരകം പഞ്ചായത്തുകളിലേയും പ്രഫഷനല് വിദ്യാഭ്യാസ സ്ഥാപനങ്ങള് ഒഴികെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് 22ന് അവധി പ്രഖ്യാപിച്ചു. കോഴിക്കോട് ജില്ലയില് പ്ലസ് ടു വരെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും തിങ്കളാഴ്ച ജില്ലാ കലക്ടര് അവധി പ്രഖ്യാപിച്ചു. അങ്കണവാടികള്ക്കും കേന്ദ്രീയ വിദ്യാലയങ്ങള്ക്കും ഐസിഎസ്ഇ, സിബിഎസ്ഇ വിദ്യാലയങ്ങള്ക്കും അവധി ബാധകമാണ്. കോളജുകള്ക്കും പ്രൊഫഷനല് കോളജുകള്ക്കും അവധിയില്ല.