ചിക്കാഗോ സെന്റ് മേരീസില് മതബോധന സ്കൂളിന്റെ പ്രവേശനോത്സവം നടത്തി
ജോയിച്ചന് പുതുക്കുളംPublished on 15 September, 2019
ചിക്കാഗോ: മോര്ട്ടന് ഗ്രോവ് സെന്റ് മേരീസ് ക്നാനായ ദേവാലയത്തിലെ മതബോധന സ്കൂളിന്റെ ആഭിമുഖ്യത്തില് പുതിയ അധ്യയന വര്ഷത്തിന് തുടക്കം കുറിച്ചുകൊണ്ട് പ്രവേശനോത്സവം നടത്തി. ഇടവക വികാരി ഫാ . തോമസ് മുളവനാലിന്റെ കാര്മികത്വത്തില് കുട്ടികള്ക്കുവേണ്ടി നടന്ന വിശുദ്ധ കുര്ബാനയ്ക്കുശേഷം കുട്ടികളെയും അദ്ധ്യാപകരെയും ആശീര്വദിച്ചു .
സ്കൂളില് പുതിയതായി വിദ്യാരംഭം കുറിച്ച കുട്ടികള്ക്കുവേണ്ടി ക്ലാസ്സുകളില് പ്രത്യേക പ്രോഗ്രാമുകള് നടത്തി. 550 ഓളം കുട്ടികളാണ് ഈ വര്ഷം വിശ്വാസ പരിശീലനത്തിനായി രെജിസ്റ്റര് ചെയ്തിരിക്കുന്നത് . ജോയി നെടിയകാലായില് എല്ലാ കുട്ടികള്ക്കും ആദ്യദിനം സ്നാക്ക്സ് സ്പോണ്സര് ചെയ്തിരുന്നു .
അസിസ്റ്റന്റ് വികാരി ഫാ. ബിന്സ് ചേത്തലിന്റെ നേതൃത്വത്തില് ഇടവകയിലെ യുവജനങ്ങള് ആണ് പ്രവേശനോത്സവത്തിന് ക്രമീകരണങ്ങള് ചെയ്തത് . ഇടവകയിലെ എക്സിക്യൂട്ടീവ് അംഗങ്ങളും അധ്യാപകരും ചടങ്ങുകളുടെ സുഗമമായ പ്രവര്ത്തനങ്ങള്ക്ക് വേണ്ട ക്രമീകരണങ്ങള് ഒരുക്കി. സ്റ്റീഫന് ചൊള്ളംബേല്.(പി.ആര്.ഒ) അറിയിച്ചതാണിത്.
മലയാളത്തില് ടൈപ്പ് ചെയ്യാന് ഇവിടെ ക്ലിക്ക് ചെയ്യുക
അസഭ്യവും നിയമവിരുദ്ധവും അപകീര്ത്തികരവുമായ പരാമര്ശങ്ങള് പാടില്ല. വ്യക്തിപരമായ അധിക്ഷേപങ്ങളും
ഉണ്ടാവരുത്. അവ സൈബര് നിയമപ്രകാരം കുറ്റകരമാണ്. അഭിപ്രായങ്ങള് എഴുതുന്നയാളുടേത് മാത്രമാണ്. ഇ-മലയാളിയുടേതല്ല