കോഴിക്കോട്: ശബരിമല യുവതീപ്രവേശനം സംബന്ധിച്ച പുനഃപരിശോധനാ ഹര്ജികള് വിശാല ബെഞ്ചിനു വിട്ട വിധി ഭരണഘടന മൂല്യങ്ങളെ വെല്ലുവിളിക്കുന്നതെന്ന് മുന്പ് ശബരിമലയില് ദര്ശനം നടത്തിയ ബിന്ദു അമ്മിണി. നീതിന്യായ വ്യവസ്ഥയിലുള്ള വിശ്വാസം തകര്ക്കുന്നതാണിതെന്നും അവര് പറഞ്ഞു.
അതേസമയം, നിലവില് യുവതീ പ്രവേശനം അനുവദിച്ചു കൊണ്ടുള്ള വിധി സ്റ്റേ ചെയ്യാത്തത് സ്വാഗതാര്ഹമാണെന്നും അവര് പറഞ്ഞു. സ്റ്റേ ഇല്ലാത്ത സാഹചര്യത്തില്, ആഗ്രഹിക്കുന്ന സ്ത്രീകള്ക്ക് ശബരിമല പ്രവേശനം അനുവദിക്കണമെന്നും മല കയറാന് വരുന്ന സ്ത്രീകള്ക്ക് സര്ക്കാര് സംരക്ഷണം നല്കണമെന്നും ബിന്ദു അമ്മിണി ആവശ്യപ്പെട്ടു.