ടൊവിനോ കേന്ദ്രകഥാപാത്രത്തിലെത്തുന്ന നവാഗതരായ അഖില് പോള്, അനസ് ഖാന് എന്നിവര് ഒരുക്കുന്ന ചിത്രം ഫോറന്സിക്കിന്റെ ഫസ്റ്റ് ലുക്ക് പോസ്റ്റര് പുറത്തിറങ്ങി. ടൊവിനോ ഫോറന്സിക് ഉദ്യോഗസ്ഥന്റെ വേഷത്തിലെത്തുന്ന ചിത്രത്തില് മംമ്ത മോഹന്ദാസ് ആണ് നായിക.
സാമുവല് ജോണ് കാട്ടൂക്കാരന് എന്നാണ് ചിത്രത്തില് ടൊവിനോയുടെ കഥാപാത്രത്തിന്റെ പേര്. അഖില് പോളും അനസ് ഖാനും ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ടൊവിനോയ്ക്കൊപ്പം നിരവധി കുട്ടികളും ചിത്രത്തില് അഭിനനയിക്കുന്നുണ്ട്. കാസ്റ്റിംങ് കോള് വഴി തെരഞ്ഞെടുത്ത 17 പുതുമുഖങ്ങളാണ് ചിത്രത്തിലുള്ളത്.
നെവിസ് സോവ്യര്, സിജു മാത്യു എന്നിവരുടെ ജുവിസ് പ്രൊഡക്ഷന്സും രാജു മല്യത്തിന്റെ രാഗം മൂവീസും ചേര്ന്നാണ് ചിത്രത്തിന്റെ നിര്മ്മാണം. അഖില് ജോര്ജാണ് ചിത്രത്തിന്റെ ഛായാഗ്രാഹണം നിര്വ്വഹിക്കുന്നത്. ജെയ്ക്സ് ബിജോയ് ചിത്രത്തിന്റെ സംഗീത സംവിധാനം നിര്വ്വഹിക്കുന്നു.