തിരുവനന്തപുരം: തദ്ദേശ തെരഞ്ഞെടുപ്പിനുള്ള കരട് വോട്ടര് പട്ടിക പ്രസിദ്ധീകരിച്ചു. പട്ടിക സംബന്ധിച്ച അപേക്ഷകള് ഇന്ന് മുതല് ഫെബ്രുവരി 14 വരെ ഇലക്ടറല് റജിസ്ട്രേഷന് ഓഫിസര്മാര്ക്ക് സമര്പ്പിക്കാം. അന്തിമ പട്ടിക ഫെബ്രുവരി 28ന് പ്രസിദ്ധീകരിക്കും.
2020 ജനുവരി ഒന്നിനോ അതിനു മുമ്ബോ 18 വയസ് തികഞ്ഞവര്ക്ക് വോട്ടര്പട്ടികയില് പേരു ചേര്ക്കാം. പട്ടിക എല്ലാ തദ്ദേശസ്വയംഭരണ സ്ഥാപനങ്ങള്, വില്ലേജ് ഓഫിസുകള്, താലൂക്ക് ഓഫിസുകള് എന്നിവിടങ്ങളിലും സംസ്ഥാന തെരഞ്ഞെടുപ്പ് കമീഷന്റെ വെബ്സൈറ്റിലും ലഭ്യമാണ്.
ഗ്രാമപഞ്ചായത്ത്, നഗരസഭകളില് സെക്രട്ടറിമാരും കോര്പറേഷനുകളില് അഡീഷനല് സെക്രട്ടറിമാരുമാണ് ഇലക്ടറല് റജിസ്ട്രേഷന് ഓഫിസര്മാര്.