ഇത് നവീകരണമോ, നശീകരണമോ?. സഭ നിലനിക്കുന്നത് ത്യാഗ നിര്ഭരരായ പവ്വത്തിൽ പിതാവിനെ പോലെയുള്ളവരെ കൊണ്ടാണ്~. അവർ ചെയ്ടന്നതിൽ തെറ്റുകൾ ഉണ്ടാവാം. പക്ഷെ അവരുടെ ത്യാഗവും ഭക്തിയും മറക്കരുത്

ശ്രീ ചാക്കോ കളരിക്കലിന്റ ലേഖനത്തെ വിമർശിച്ചുകൊണ്ട് 'ശ്രീ കാത്തലിക്ക് ' എന്ന പ്രതികരണ എഴുത്തുകാരൻ 'ഇത് നവീകരണമോ നശീകരണമോ' എന്ന് ചോദിച്ചിരുന്നു. ഇപ്പോഴത്തെ സീറോ മലബാർ സഭയുടെ മുന്നോട്ടുള്ള പ്രയാണത്തെ വിലയിരുത്തുകയാണെങ്കിൽ 'നശീകരണത്തിന്റെ പാതയിൽത്തന്നെയാണ് സഭ സഞ്ചരിക്കുന്നതെന്നതിൽ സംശയമില്ല! സഭയുടെ ഇന്നത്തെ ദുർവിധിക്കുള്ള ഉത്തരവാദിത്വം ബിഷപ്പ് പവ്വത്തിനുമുണ്ട്. സാമാന്യം സമാധാനപരമായി നിലകൊണ്ടിരുന്ന സുറിയാനി കത്തോലിക്ക സഭ ഇന്ന് രണ്ടു ചേരികളിലായി പ്രവർത്തിക്കുന്നു. അതിനുകാരണം സഭയുടെ പരമ്പരാഗതമായ കുരിശു മാറ്റി ഇറാഖികളുടെ 'മാനിക്കേയൻ കുരിശ്' സീറോ മലബാർ സഭയിൽ, ബിഷപ്പ് പവ്വത്തിന്റെ നേതൃത്വത്തിൽ സ്ഥാപിച്ചതുമൂലമാണ്. ക്ലാവർ കുരിശേന്നും താമര കുരിശേന്നും പവ്വത്തു കൊണ്ടുവന്ന ഈ കുരിശിനെ അറിയപ്പെടുന്നു. ഇറാക്കിൽ കുറ്റവാളികളെ തൂക്കിലിട്ടിരുന്ന കഴുകു കുരിശായിരുന്നു അത്. അതിന്റെ പേരിൽ എറണാകുളവും ചങ്ങനാശേരിയും തമ്മിലുള്ള അടിപിടി ഇന്നും തുടരുന്നു. എറണാകുളം രൂപതയിലെ ഭൂമി വിവാദമൊക്കെ സഭയുടെ നശീകരണത്തിന്റെ മറ്റൊരു പതിപ്പാണ്. അതിനു തീകൊളുത്തിയതും ഈ മഹാബിഷപ്പു തന്നെയായിരുന്നു. അദ്ദേഹത്തിൻറെ വേണ്ടാത്ത ലിറ്റർജി പരിഷ്ക്കരണവും രണ്ടു മണിക്കൂർ കുർബാനയും അല്മെനികളെ വീർപ്പുമുട്ടിക്കുന്നു. ക്രിസ്തു പറഞ്ഞത് 'ഞാൻ വന്നത് ദരിദ്രർക്ക് വേണ്ടി' എന്നായിരുന്നു. എന്നാൽ പവ്വത്ത് വന്നത് പണക്കാർക്ക് വേണ്ടിയായിരുന്നു. ബിഷപ്പാകുന്നതിനു മുമ്പ് അദ്ദേഹം ചങ്ങനാശേരി എസ് .ബി കോളേജിലെ ന്യുമാൻ ഹോസ്റ്റലിൽ വാർഡനായിരുന്നു. കാഞ്ഞിരപ്പള്ളിയിലെയും കുട്ടനാട്ടിലെയും പണക്കാരായ കുട്ടികൾക്ക് മാത്രമായിരുന്നു അന്ന് ആ ഹോസ്റ്റലിൽ പ്രവേശനമുണ്ടായിരുന്നത്. ശബരി മലയിൽ തോമ്മാശ്ലീഹായുടേതെന്ന് പറഞ്ഞുകൊണ്ട് കള്ളകുരിശു നാട്ടി വിവാദങ്ങൾ ഉണ്ടാക്കാൻ നേതൃത്വം കൊടുത്തതും പവ്വത്തായിരുന്നു. കേരള സമൂഹത്തിൽ അതുവരെയുണ്ടായിരുന്ന ഹിന്ദു മുസ്ലിം മൈത്രിക്ക് അക്കാലങ്ങളിൽ മങ്ങലേൽക്കുകയും ചെയ്തു. ലളിത ജീവിതം നയിച്ചിരുന്ന കാവുകാട്ട് ബിഷപ്പിന്റെ പിൻഗാമിയായി അദ്ദേഹം ചങ്ങനാശേരി മെത്രാപ്പോലീത്തായായി വന്നു. അരമനകൾ വിപുലമാക്കി എന്നും ആഡംബരമായി, രാജകീയമായി മെത്രാപ്പോലീത്തൻ പദവി പവ്വത്ത് അലങ്കരിക്കുകയും ചെയ്തു. അങ്ങനെയുള്ള ഒരാളിനെ ഗാന്ധിജിയുമായി സാമ്യപ്പെടുത്തണോ ? മിസ്റ്റർ കുര്യൻ പാമ്പാടിയുടെ ബിഷപ്പ് പവ്വത്തിനെ വെള്ളതേച്ചുകൊണ്ടുള്ള ലേഖനം ഒന്നുകൂടി പുനഃപരിശോധിക്കേണ്ടിയിരിക്കുന്നു.

കത്തോലിക്കാ സഭ സാർവത്രിക സഭ (Universal) എന്നു അവർത്തിച്ചു പറയുകയും, ഭാഷയുടേയും ആചാരത്തിന്റേയോ പേരിൽ വിഭിന്ന ആശയം കൊണ്ടുവന്ന്, തന്റെ മെത്രാൻ സ്ഥാനം ഉപയോഗിച്ച് സഭാമക്കളിൽ ഭിന്നിപ്പിന്റെ വിത്തുകൾ വിതയക്കുന്നത് ക്രൈസ്തവികം ആണോ എന്ന് വിശ്വാസികൾ ചിന്തിക്കുക. ക്രിസ്തുവിലുള്ള ഐക്യമാണ് എക്യുമിനിസം കൊണ്ട് ഉദ്ദേശിക്കുന്നതെങ്കിൽ ദേശo, ഭാഷ, ആചാരം വർണം എന്നിവക്ക് അതീതമായ ഒരു കൂട്ടായ്മയാണ് വേണ്ടത്. എക്യൂമിനിസം പ്രസംഗിക്കുകയും പൗരസ്ത്യ സഭ എന്ന ആശയം ഊട്ടി ഉറപ്പിക്കുകയും ചെയ്യുക എന്നത് എന്തിനെന്ന് വിശ്വാസികൾ അന്വേഷിക്കണം. സാർവത്രിക സഭ, കത്തോലിക്കാ സഭ പാശ്ചാത്യ മെന്നോ പൗരസ്ത്യമെന്നോ, ലത്തീനെന്നോ സുറിയാനിയെന്നോ, കൽദായ എന്നോ അന്ത്യോക്യാ എന്നോ, തെക്കൻ എന്നോ വടക്കൻ എന്നോ ഉള്ള വ്യത്യാസങ്ങൾ ഇല്ലാതാകണം. ക്രിസ്തു ആയിരിക്കണം സഭയുടെ തലവൻ. എല്ലാ ക്രിസ്ത്യാനികളും ചിന്തിക്കുക.