തിരുവനന്തപുരം: സംസ്ഥാനത്തെ പാല് പ്രതിസന്ധി പരിഹരിക്കുന്നതിനായി അന്യ സംസ്ഥാനങ്ങളില് നിന്നും കൂടുതല് പാല് വാങ്ങാന് മില്മയുടെ തീരുമാനം. ഇന്ന് ചേര്ന്ന മില്മയുടെ ഹൈപ്പവര് കമ്മിറ്റി യോഗത്തിലാണ് തീരുമാനം കൈക്കൊണ്ടത് . തമിഴ്നാട്ടില് നിന്നും കര്ണാടകയില് നിന്നും കൂടുതല് പാല് വാങ്ങാനാണ് തീരുമാനം . ഇതിനായി തമിഴ്നാട്, കര്ണാടക സര്ക്കാരുകളുമായി സംസ്ഥാന സര്ക്കാര് മുഖേന ചര്ച്ച നടത്തും.
മുന് വര്ഷത്തെ അപേക്ഷിച്ച് നിലവില് ഒരു ലക്ഷം ലിറ്റര് പാലിന്റെ കുറവാണു ഉണ്ടായിരിക്കുന്നത് . ഉല്പാദനച്ചെലവും കാലിത്തീറ്റയുടെ വിലയും കൂടിയത് കാരണം കര്ഷകര് ക്ഷീരമേഖല ഉപേക്ഷിക്കുന്നതാണ് പാല്ക്ഷാമത്തിനുള്ള കാരണമായി മില്മ പറയുന്നത് .