തിരുവനന്തപുരം: പോലീസ് വകുപ്പിലെ അഴിമതിയെ സംബന്ധിച്ച സിഎജി റിപ്പോര്ട്ടിനു പിന്നാലെ കൂടുതല് ക്രമക്കേടുകള് പുറത്ത്. ചീഫ് സെക്രട്ടറി ടോം ജോസ് ഉപയോഗിക്കുന്നത് ഡിജിപിയുടെ പേരിലുള്ള ആഡംബര വാഹനം. ടോം ജോസിന് വാഹനം വാങ്ങിയത് പോലീസ് നവീകരണ ഫണ്ട് ഉപയോഗിച്ചാണെന്നുമുള്ള പുതിയ റിപ്പോര്ട്ടാണ് ഇപ്പോള് പുറത്ത് വന്നിട്ടുള്ളത്.
ചീഫ് സെക്രട്ടറി ഉപയോഗിക്കുന്ന KL- 1 CL 9663 എന്ന വാഹനം ഡിജിപിയുടെ പേരിലാണെന്ന് മോട്ടോര് വാഹന വകുപ്പിന്റെ രേഖകള്. അടുത്തിടെയാണ് 'ജീപ് കോംപസ്' എന്ന വാഹനം ചീഫ് സെക്രട്ടറി ഉപയോഗിക്കാന് തുടങ്ങിയത്. 2019-ലാണ് ഈ വാഹനം രജിസ്റ്റര് ചെയ്തിരിക്കുന്നത്. 15 ലക്ഷത്തിലധികം രൂപയാണ് ഇതിന്റെ വില.
ചട്ടപ്രകാരം ടൂറിസം വകുപ്പിന്റെ വാഹനം മാത്രമാണ് ചീഫ് സെക്രട്ടറിക്ക് അടക്കം ഉപയോഗിക്കാന് സാധിക്കുക. എന്നാല്, സംഭവത്തില് ഡിജിപിയോ ചീഫ് സെക്രട്ടറിയോ പ്രതികരിച്ചിട്ടില്ല.