Image

ട്രംപിന്റെ ദ്വിദിന ഇന്ത്യാ സന്ദര്‍ശനം; കാര്യപരിപാടികള്‍ ഇങ്ങനെ

Published on 24 February, 2020
ട്രംപിന്റെ ദ്വിദിന ഇന്ത്യാ സന്ദര്‍ശനം; കാര്യപരിപാടികള്‍ ഇങ്ങനെ
 
രണ്ട്‌ ദിവസത്തെ സന്ദര്‍ശനത്തിനായി അമേരിക്കന്‍ പ്രസിഡന്‍റ്‌ ഡോണള്‍ഡ്‌ ട്രംപ്‌ ഇന്ത്യയിലെത്തി. ഭാര്യ മെലാനിയ ട്രംപും അദ്ദേഹത്തോടൊപ്പമുണ്ട്‌.

ഇന്ന്‌ രാവിലെ 11.40 നാണ്‌  അദ്ദേഹം ഗുജറാത്തിലെ അഹമ്മദബാദിലെ അന്താരാഷ്ട്ര വിമാനത്താവളത്തില്‍ ത്തിത്‌. അമേരിക്കന്‍ പ്രസിഡന്റിനെ സ്വീകരിക്കുന്നതിന്‌ വലിയ ഒരുക്കങ്ങളാണ്‌ സര്‍ക്കാരുകള്‍ ഒരുക്കുന്നത്‌.

മഹാത്മ ഗാന്ധിയുടെ സബര്‍മതി ആശ്രമത്തിലും ട്രംപ്‌സന്ദര്‍ശനം നടത്തും.

ഉച്ചയ്‌ക്ക്‌ 1.05ന്‌ അദ്ദേഹം ഇന്ത്യന്‍ ജനാവലിയെ അഭിസംബോധന ചെയ്‌ത്‌ സംസാരിക്കും. പുതുതായി നിര്‍മ്മാണം പൂര്‍ത്തിയാക്കിയ മൊട്ടേര ക്രിക്കറ്റ്‌ സ്റ്റേഡിയത്തില്‍ പ്രധാനമന്ത്രി നരേന്ദ്രമോദിക്ക്‌ ഒപ്പം എത്തിയാകും ട്രംപ്‌ വലിയ ജനാവലിയെ അഭിസംബോധന ചെയ്യുന്നത്‌. പരിപാടിയില്‍ 70 ലക്ഷം പേര്‍ എത്തുമെന്ന്‌ മോദി പറഞ്ഞതായിട്ടായിരുന്നു ട്രംപിന്റെ അവകാശവാദം

നമസ്‌തെ ട്രംപ്‌ പരിപാടിക്ക്‌ ശേഷമാണ്‌ അദ്ദേഹത്തിന്റെ താജ്‌മഹല്‍ സന്ദര്‍ശനം. 3.30ന്‌ അദ്ദേഹം ആഗ്രയിലേക്ക്‌ തിരിക്കും 4.45ഓടെ അദ്ദേഹം ആഗ്ര എയര്‍ ഫോഴ്‌സ്‌ സ്റ്റേഷനില്‍ ഇറങ്ങും തുടര്‍ന്ന്‌ 5.15ഓടെയാകും അദ്ദേഹം താജ്‌ മഹല്‍ സന്ദര്‍ശിക്കുന്നത്‌. 

ഇന്ത്യാ സന്ദര്‍ശനം നടത്തിയ മിക്ക പ്രസിഡന്റുമാരും താജ്‌മഹലില്‍ എത്താറുണ്ട്‌. തുടര്‍ന്ന്‌ വൈകിട്ട്‌ 6.45ഓടെ അദ്ദേഹം ഡല്‍ഹിക്ക്‌ തിരിച്ചു പോകും.

പ്രസിഡന്റ്‌ ട്രംപിന്‌ രാഷ്ട്രപതി ഭവനില്‍ വിരുന്ന്‌ സല്‍ക്കാരം നല്‍കും. പ്രധാനമന്ത്രി അടക്കമുള്ള പ്രമുഖ നേതാക്കള്‍ ചടങ്ങില്‍ പങ്കെടുക്കും. 

എന്നാല്‍ കോണ്‍ഗ്രസ്‌ അധ്യക്ഷ സോണിയ ഗാന്ധിയെ ക്ഷണിക്കാത്തതില്‍ പ്രതിഷേധിച്ച്‌ രാജ്യസഭാ പ്രതിപക്ഷ നേതാവ്‌ ഗുലാംനബി ആസാദും കോണ്‍ഗ്രസ്‌ ലോകസഭാ കക്ഷിനേതാവ്‌ അധീര്‍ രഞ്‌ജന്‍ ചൗധരിയും വിട്ടുനില്‍ക്കും. മഹാത്മഗാന്ധി സമാധിയില്‍ എത്തി ആദരവ്‌ അര്‍പ്പിക്കും.


വിരുന്നിന്‌ ശേഷം ഹൈദരാബാദ്‌ ഹൗസില്‍ പ്രധാനമന്ത്രി നരേന്ദ്ര മോദിയും ട്രംപും തമ്മില്‍ കൂടിക്കാഴ്‌ച നടത്തും. പ്രധാനമന്ത്രിയുമായുള്ള കൂടിക്കാഴ്‌ചയ്‌ക്ക്‌ ശേഷം ഇരുവരും ചേര്‍ന്ന്‌ സുപ്രധാന കരാറുകള്‍ ഒപ്പുവയ്‌ക്കും.

 ഇതിന്‌ ശേഷം ഇരു നേതാക്കളും ചേര്‍ന്ന്‌ സംയുക്ത പ്രസ്‌താവനയും നടത്തും. തുടര്‍ന്ന്‌ രാഷ്ട്രപതിയുമായുള്ള കൂടിക്കാഴ്‌ചയ്‌ക്ക്‌ നടത്തിയ ശേഷം അദ്ദേഹം തിരികെ അമേരിക്കയിലേക്ക്‌ തിരിക്കും.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക