Image

വര്‍ഗീയ ചേരിതിരിവ്‌ ഉണ്ടാക്കുന്ന സന്ദേശങ്ങള്‍ പ്രചരിപ്പിച്ചാല്‍ കര്‍ശന നടപടി : ഡിജിപി

Published on 26 February, 2020
വര്‍ഗീയ ചേരിതിരിവ്‌ ഉണ്ടാക്കുന്ന സന്ദേശങ്ങള്‍ പ്രചരിപ്പിച്ചാല്‍ കര്‍ശന നടപടി : ഡിജിപി

തിരുവനന്തപുരം : സംസ്ഥാനത്ത്‌ വര്‍ഗീയ ചേരിതിരിവ്‌ ഉണ്ടാക്കുന്ന തരത്തില്‍ സന്ദേശങ്ങള്‍ പ്രചരിപ്പിക്കുന്നവര്‍ക്കെതിരെ കര്‍ശന നടപടി സ്വീകരിക്കുമെന്ന്‌ സംസ്ഥാന പോലീസ്‌ മേധാവി ലോക്‌നാഥ്‌ ബെഹ്‌റ അറിയിച്ചു . 

നവമാധ്യമങ്ങളിലൂടെ ഇത്തരത്തിലുള്ള സന്ദേശങ്ങള്‍ തയാറാക്കുകയോ ഫോര്‍വേഡ്‌ ചെയ്യുകയോ ചെയ്യുന്നവര്‍ക്കെതിരെയും നടപടി സ്വീകരിക്കുന്നതാണ്‌. സമൂഹ മാധ്യമങ്ങളിലൂടെയുള്ള എല്ലാ സന്ദേശങ്ങളും പൊലീസിന്റെ നിരീക്ഷണത്തിലായിരിക്കും.

സംസ്ഥാനത്തുടനീളം ഏത്‌ സാഹചര്യങ്ങളെയും നേരിടാന്‍ ജില്ലാ പൊലീസ്‌ മേധാവിമാരുടെ നേതൃത്വത്തില്‍ പൊലീസ്‌ സേനയെ സുസജ്ജമാക്കിയിട്ടുണ്ട്‌. വര്‍ഗീയ ചേരിതിരിവ്‌ ഉണ്ടാക്കുന്ന പ്രവര്‍ത്തനങ്ങളില്‍ നിന്ന്‌ പൊതുജനങ്ങള്‍ വിട്ടു നില്‍ക്കണമെന്നും ഡിജിപി അറിയിച്ചു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക