Image

ആഭ്യന്തരമന്ത്രി സ്ഥാനത്ത്‌ നിന്ന്‌ അമിത്‌ ഷായെ നീക്കണം; രാഷ്ട്രപതിയോട്‌ കോണ്‍ഗ്രസ്‌

Published on 27 February, 2020
ആഭ്യന്തരമന്ത്രി സ്ഥാനത്ത്‌ നിന്ന്‌ അമിത്‌ ഷായെ നീക്കണം; രാഷ്ട്രപതിയോട്‌ കോണ്‍ഗ്രസ്‌


ന്യൂഡല്‍ഹി: ഡല്‍ഹിയിലെ കലാപവുമായി ബന്ധപ്പെട്ട്‌ ആഭ്യന്തരമന്ത്രി സ്ഥാനത്ത്‌ നിന്ന്‌ അമിത്‌ ഷായെ നീക്കണമെന്ന ആവശ്യവുമായി രാഷ്ട്രപതി രാംനാഥ്‌ കോവിന്ദിന്‌ മുന്നില്‍ കോണ്‍ഗ്രസ്‌ പ്രതിനിധി സംഘം.

ഡല്‍ഹിയിലെ ജനങ്ങളെ സംരക്ഷിക്കണമെന്നും കേന്ദ്ര സര്‍ക്കാരിനോട്‌ ഇക്കാര്യം ആവശ്യപ്പെടണമെന്നും കോണ്‍ഗ്രസ്‌ അധ്യക്ഷ സോണിയ ഗാന്ധിയുടെ നേതൃത്വത്തിലുള്ള പ്രതിനിധി സംഘമാണ്‌ രാഷ്ട്രപതിയോട്‌ അഭ്യര്‍ത്ഥിച്ചത്‌.

പൗരന്മാരുടെ ജീവന്‍, സ്വാതന്ത്ര്യം, സ്വത്ത്‌ എന്നിവ സുരക്ഷിതമാക്കുകയും പരിരക്ഷിക്കുകയും ചെയ്യണമെന്ന്‌ രാഷ്ട്രപതിയെന്ന ഭരണഘടനാ സ്ഥാപനത്തോട്‌ ആവശ്യപ്പെടുകയാണ്‌. 

ആഭ്യന്തരമന്ത്രിയെ ഉടനെ നീക്കം ചെയ്യണമെന്ന്‌ ആവശ്യപ്പെടുകയാണെന്നും കോണ്‍ഗ്രസ്‌ നിവേദനത്തില്‍ ആവശ്യപ്പെട്ടു. എന്നാല്‍ കോണ്‍ഗ്രസിന്റെ ആവശ്യങ്ങള്‍ അനുഭാവപൂര്‍വം പരിഗണിക്കാമെന്ന്‌ രാഷ്ട്രപതി ഉറപ്പ്‌ നല്‍കിയതായും സോണിയ ഗാന്ധി പറഞ്ഞു.

അതേസമയം അക്രമം രാജ്യത്തിനു നാണക്കേടുണ്ടാക്കിയെന്നു മുന്‍ പ്രധാനമന്ത്രി മന്‍മോഹന്‍ സിങ്‌ പ്രതികരിച്ചു.
Join WhatsApp News
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക