മതങ്ങള് തങ്ങളുടെ വിശ്വാസാചാരങ്ങളെ, സാമൂഹ്യ ആരോഗ്യത്തെ മുന്നിര്ത്തി
വിചിന്തനം ചെയ്യുന്നതിനും 'കടും പിടുത്തങ്ങളില്' നിന്നും അയവു വരുത്തേണ്ടതും ആവശ്യമാണ്. ശാസ്ത്രം അടിസ്ഥാന തത്വ ങ്ങളെ വിശകലനം ചെയ്തു യുക്തി യുക്തമായ നിഗമനങ്ങളില് എത്തുന്നു. കാലവും അറിവും അവയിലെ തെറ്റുകളെ ചൂണ്ടി കാണിച്ചാല്, വീണ്ടും പഴയതിനെ തിരുത്തി പുതിയ തിനെ അംഗീകരിക്കുന്നു. എന്നാല് മതം, ആരംഭ കാലങ്ങളില് കടന്നു കൂടിയ വിശ്വാസാചാരങ്ങളെ, 2000 മോ 5000 മോ വര്ഷങ്ങള് കഴിഞ്ഞാലും യുക്തിക്കും ബുദ്ധിക്കും കാലത്തിനും അസ്വീകാര്യം ആണെങ്കില് പോലും, തിരുത്തലിനു സന്നദ്ധമാകുന്നില്ല.
വിശുദ്ധ കുര്ബാനയില് ആണെങ്കിലും, ഒരേ പാത്രത്തില് നിന്ന് കുടിക്കുകയും (ചില സഭ വിഭാഗങ്ങള്), ഒരേ കരണ്ടി അഥവാ സ്പൂണ് കൊണ്ട് എല്ലാവരുടെയും വായിലേക്ക് കോരി കൊടുക്കുകയും ചെയുമ്പോള് സ്പര്ശന സാധ്യത ഉണ്ട്, മാത്രമല്ല,.. തുറന്ന വായില് നിന്നും വരുന്ന ഉച്ഛ്വാസം, നനവുള്ള സ്പൂണിനെ തഴുകി കടന്നു പോകുന്നു. സംക്രമീക രോഗങ്ങളെ പടര്ത്താന് ഇതൊക്കെ സഹായിക്കും എന്ന് ഏതു കൊച്ചു കുട്ടിക്കും അറിയാം. വായിലേക്ക് അപ്പം ഇട്ടുകൊടുക്കുന്ന രീതിയിലും മാറ്റം വരുത്തണം. ഓരോരുത്തരുടെയും കൈയിലേക്ക് ഇട്ടു കൊടുക്കാമല്ലോ.
ഈശ്വരന് മനുക്ഷ്യ ബുദ്ധിക്കും അവന്റെ ഭാവനയ്ക്കും ആവിഷ്കാരത്തിനും ഒക്കെ അതീതനാണ് എന്ന് എല്ലാ മതങ്ങളും സമ്മതിക്കുന്നു. എന്നാല് മതങ്ങള് ഉണ്ടാക്കി എടുക്കുന്ന ആചാര അനുഷ്ടാനങ്ങള് കൊണ്ട് ഒരു കണ്ണാടി കൂടുണ്ടാക്കി , ദൈവത്തെ അതിനുള്ളില് അടച്ചിടാന് ശ്രമിക്കുന്നു. മനുക്ഷ്യന് അന്ധ വിശ്വാസികളാകാതെ, സത്യവിശ്വാസികളാകണം.വേദങ്ങളില് ആധ്യാത്മീകമായ ഉപദേശങ്ങള് അടങ്ങി യിട്ടുണ്ട് എങ്കിലും, അത് സാക്ഷാത്
കരിക്ക പെടേണ്ടത് ഭൗതിക ജീവിതത്തിലൂടെ ആണ്. ജീവനും ശരീരവും നഷ്ടപെട്ട ശേഷമല്ലാ.
അത് കൊണ്ട് നമുക്കും പ്രാര്ത്ഥിക്കാം, "മൃത്യോര് മാ അമൃതം ഗമയ...'