കൊറോണയ്ക്കെതിരായ പോരാട്ടത്തിന് പിന്തുണയുമായി നടന് മോഹന്ലാല്. നന്ദി ഒരു വലിയ ഔഷധമാണ്, നന്ദിയുള്ളവരായിരിക്കുക എന്നത് വലിയ പുണ്യവും. കൈയടിച്ച് നമ്മള് എല്ലാവരും ചേര്ന്ന് ആ പ്രവൃത്തി ചെയ്യുമ്പോള്, അതൊരു പ്രാര്ത്ഥന പോലെ ആയിത്തീരുന്നു-ലാല് ഫെയ്സ്ബുക്കില് കുറിച്ചു.
മോഹന്ലാലിന്റെ കുറിപ്പ് വായിക്കാം
ഒരു നിമിഷവും വിശ്രമമില്ലാതെ നമുക്കായി സ്വന്തം ആരോഗ്യത്തെ പോലും തൃണവല്ഗണിച്ച് പ്രവര്ത്തിക്കുന്ന ആരോഗ്യ സേവകര്ക്ക് നന്ദി പറയാനാണ് പ്രധാനമന്ത്രിയും മുഖ്യമന്ത്രിയും നമ്മളോട് ആവശ്യപ്പെട്ടത്. നന്ദി ഒരു വലിയ ഔഷധമാണ്, നന്ദിയുള്ളവരായിരിക്കുക എന്നത് വലിയ ഔഷധമാണ്, നന്ദിയുള്ളവരായിരിക്കുക എന്നത് വലിയ പുണ്യവും. കൈയടിച്ച് നമ്മള് എല്ലാവരും ചേര്ന്ന് ആ പ്രവൃത്തി ചെയ്യുമ്പോള്, അതൊരു പ്രാര്ത്ഥന പോലെ ആയിത്തീരുന്നു.
നമ്മെ എല്ലാവരെയും ഒരുപോലെ ബാധിച്ചിരിക്കുന്ന സര്വ്വ അണുക്കളും ആ പ്രാര്ത്ഥനയുടെ ശക്തിയില് നശിച്ചു തുടങ്ങട്ടെ എന്ന് നമുക്ക് പ്രത്യാശിക്കാം... ഈ നിമിഷം പ്രത്യാശ അല്ലാതെ എന്തുണ്ട് നമുക്ക് ബാക്കിയായി.... ജീവന് ഭീഷണിയായ കൊറോണ വൈറസിനെ ഫലപ്രദമായി നേരിടാനുള്ള മരുന്ന് എത്രയും വേഗം കണ്ടുപിടിക്കാന് ശാസ്ത്രത്തിനു സാധിക്കട്ടെ. പൂര്ണ്ണ മനസ്സോടെ നമ്മുടെ വീടും പരിസരവും ശുചിയാക്കി വെക്കാന് ഉള്ള മുഖ്യമന്ത്രിയുടെ ആഹ്വാനവും നമ്മെ കാക്കുന്ന ആരോഗ്യ സേവകരോട് നന്ദി പറയാനുള്ള പ്രധാനമന്ത്രിയുടെ ആഹ്വാനവും നമുക്ക് രണ്ട് കൈയും നീട്ടി സ്വീകരിക്കാം. ഒരുമിച്ച് ഒരുമയോടെ നാം മുന്നോട്ട്..