തിരുവനന്തപുരം: സംസ്ഥാനത്ത് വ്യാഴാഴ്ച കൊറോണ സ്ഥിരീകരിച്ച 19പേരില് ഒരാള് ഇടുക്കിയില്നിന്നുള്ള പൊതുപ്രവര്ത്തകന്. ബ്ലോക്ക് പഞ്ചായത്ത് മുന് പ്രസിഡന്റ് ആയിരുന്ന വ്യക്തിക്കാണ് രോഗബാധ സ്ഥിരീകരിച്ചത്. ഇദ്ദേഹം നിയമസഭയിലടക്കം സന്ദര്ശനം നടത്തിയിരുന്നു. ഒരു മന്ത്രി ഉള്പ്പെടെ അഞ്ചോളം എം.എല്.എമാരുമായി ഇദ്ദേഹം സമ്പര്ക്കം പുലര്ത്തിയിട്ടുണ്ടെന്നാണ് സൂചന. പ്രതിപക്ഷപാര്ട്ടിയുടെ പോഷകസംഘടനാനേതാവാണ് ഇദ്ദേഹം.
മാര്ച്ച് 18 മുതലാണ് ഇദ്ദേഹം ക്വാറന്റൈനില് ഉണ്ടായിരുന്നത്. അതേസമയം ഇദ്ദേഹത്തിന് വിദേശയാത്രാ ചരിത്രമില്ല. അതിനാല് പാലക്കാടുനിന്നാവാം ഇദ്ദേഹത്തിന് കൊറോണ ബാധിച്ചിട്ടുണ്ടാവുകയെന്നാണ് പ്രാഥമിക നിഗമനം. ജില്ലയിലെയും സംസ്ഥാനത്തെയും പ്രമുഖ നേതാക്കളുമായി ഇദ്ദേഹത്തിന് സമ്പര്ക്കമുണ്ടായിട്ടുണ്ട്.
ഇദ്ദേഹത്തിന്റെ റൂട്ട്മാപ്പ് തയ്യാറാക്കാനുള്ള ശ്രമത്തിലാണ് ജില്ലാ ഭരണകൂടം. കെ.എസ്.ആര്.ടി.സി. ബസ്, ട്രെയിന്, കാര് തുടങ്ങിയ ഗതാഗതമാര്ഗങ്ങള് ഇദ്ദേഹം സംഘടനാപരമായ പ്രവര്ത്തനങ്ങളുടെ ഭാഗമായി ഇദ്ദേഹം വിവിധ ജില്ലകളില്നിന്നുള്ളവരുമായും ബന്ധപ്പെട്ടിട്ടുണ്ട്. പ്രാര്ഥനകള്ക്കായി ദേവാലയത്തില് പോയെന്നും വിവരമുണ്ട്.