കോവിഡ്‌ പ്രതിരോധത്തിന്റെ ഭാഗമായി കലവൂരിലെ കെഎസ്‌ഡിപി  മരുന്നുകളുടെ ഉൽപ്പാദനം വർധിപ്പിച്ചു. കോവിഡ്‌ രോഗികളെ ബാധിക്കുന്ന പനി, ചുമ തുടങ്ങിയവയ്‌ക്കുള്ള പാരസെറ്റമോൾ, അമോക്‌സിലിൻ, അസിത്രോമൈസിൻ, സെട്രാസിൻ, ചുമയ്ക്കുള്ള മരുന്ന്‌ തുടങ്ങിയ ഏഴിനങ്ങളുടെ ഉൽപ്പാദനമാണ്‌ യുദ്ധകാലടിസ്ഥാനത്തിൽ വർധിപ്പിച്ചത്‌. സർക്കാർ ഇതുസംബന്ധിച്ച്‌ നിർദ്ദേശം നൽകിയിരുന്നു.

ഈ മരുന്നുകൾ മുഴുവൻ മെഡിക്കൽ സർവീസ്‌ കോർപറേഷൻ വാങ്ങി ആശുപത്രികളിൽ എത്തിക്കും. പ്രവർത്തനമൂലധനമായി കെഎസ്‌ഡിപിക്ക്‌ 25 കോടി രൂപ നൽകാൻ കഴിഞ്ഞ ദിവസം ചേർന്ന മന്ത്രിസഭായോഗം തീരുമാനിച്ചിരുന്നു. ഈ പണം കൈമാറിയെന്ന്‌ ധനമന്ത്രി ടി എം തോമസ്‌ ഐസക്‌ അറിയിച്ചു.