ലോകത്തിൽ മഹാമാരികൾ പലതും ഉണ്ടായിട്ടുണ്ട് എന്നിട്ടൊന്നും ലോകം അവസാനിച്ചില്ല . സ്പാനീഷ് ഫ്ലുവിലൂടെ അൻപത് തുടങ്ങി നൂറു മില്യൺ ജനങ്ങളാണ് മരിച്ചത് . ഇന്ന് ലോകത്തിന്റെ ജനസംഖ്യ എട്ട് ബില്യൺ . ജനങ്ങളെ ഭയത്തിന്റ മുൾമുനയിൽ നിറുത്തി മുതെലെടുക്കുക എന്നത് എല്ലാ മതത്തിന്റെയും ഏറ്റവും അധാർമ്മികമായ പരിപാടിയാണ് . മരത്തിന്റെ കൊമ്പിൽ ഇരിക്കുന്ന കഴുകനെപ്പോൽ അവർ കാത്തിരിക്കുകയാണ് മനുഷ്യർ അപകടങ്ങളിൽ പെടാൻ . 'പാപം ചെയ്യുന്ന ദേഹി മരിക്കും' 'പാപത്തിന്റെ ശംമ്പളം മരണം അത്രേ ' എന്നൊക്കെ പറഞ്ഞു പേടിപ്പെടുത്തുക, മരിക്കാതിരിക്കാൻ മൃത്യു​​ഞ​്ജയ ഹോമം നടത്തുക, പിന്നെ ശബരിമലക്ക് പോകുക, വേളാങ്കണ്ണി, നിലത്ത് കിടന്നു ഉരുളുക, പുറത്തും നെഞ്ചത്തും ചങ്ങല കൊണ്ട് അടിക്കുക, കവിളിലൂടെ ശൂലം തറച്ചു കയറ്റുക, ഗരുഡാതൂക്കം, പൊങ്കാല, അങ്ങനെ മനുഷ്യന്റെ അജ്ഞതയിൽ നിന്ന് അവനെ മോചിപ്പിക്കാതെ ശ്വാസം മുട്ടിച്ചു കൊല്ലുക ...ഇതാണ് മതം ചെയ്യുന്നത് . ഈസ്റ്റർ കൊറോണ വൈറസിനോടൊത്ത് ആഘോഷിക്കണം എന്ന് പറഞ്ഞ ഒരു കോമരമാണ് അമേരിക്കയുടെ പ്രസിഡണ്ട് . സ്നേഹിതാ എന്തിനാണ് എരിതീയിൽ എണ്ണ ഒഴിക്കുന്നത് . ലോകം അവസാനിക്കുമ്പോൾ അവസാനിക്കട്ടെ . മരണം ഇല്ലാത്ത മനുഷ്യരാരാണ് ഉള്ളത് ? ഇല്ലാത്തത് പറഞ്ഞു ജനത്തെ മോഹിപ്പിക്കുന്നത് എന്തിനാണ് ? മരിച്ചവർ തിരിച്ചു വന്നിട്ടുള്ളതായി തെളിവില്ല ? ഉയർത്തു എഴുന്നേൽക്കുമെന്നു ഉറപ്പുണ്ടായിരുന്നെങ്കിൽ യേശു കുരിശിൽ കിടന്ന് ' കഴിയുമെങ്കിൽ ഈ പാനപാത്രം ഒഴിവാക്കണേ എന്ന് പ്രാർത്ഥിക്കില്ലായിരുന്നു. മരിക്കുന്നത് എനിക്കും ഇഷ്ടമല്ല . പക്ഷെ ഓരോ ദിവസവും സ്നേഹിക്കപ്പെടുന്നവർ മരിക്കുന്ന കാഴ്ചയാണ് കാണുന്നത് . പക്ഷെ അവരോടൊപ്പം മരിക്കാൻ ആർക്കും മനസ്സുമില്ല. ഇന്ന് രാത്രി നിന്റെ ജീവനെ ചോദിച്ചാൽ എന്തു ചെയ്യും ? വെന്റിലേറ്റർ കിട്ടുമോ എന്ന് നോക്കുമോ അതോ ഇതുപോലെ ലേഖനം ഒരെണ്ണം കൂടി എഴുതുമോ ? മനുഷ്യരെ ജീവിച്ചു മരിക്കാൻ അനുവദിക്കുക . മരണം സുനിശ്ചിതമാണ് . എനിക്കും നിങ്ങൾക്കും .